இந்தியாவின் முன்னணி இரு சக்கர வாகன தயாரிப்பு நிறுவனமான ராயல் என்ஃபீல்ட், அதன் கம்பீரமான தோற்றம் மற்றும் தரத்திற்காக தனித்துவமான வரவேற்பைப் பெற்றுள்ளது. சாலைகளில் கம்பீரமாக வலம் வரும் ராயல் என்ஃபீல்ட் பைக்குகள் பலரின் கனவாக இருக்கின்றன. இருப்பினும், மற்ற தினசரி பயன்பாட்டு பைக்குகளுடன் ஒப்பிடும்போது ராயல் என்ஃபீல்ட் பைக்குகளில் மைலேஜ் சற்று குறைவாகவே இருக்கும். ஆனாலும், அதன் தனித்துவமான வடிவமைப்பு மற்றும் தரத்திற்காகவே வாடிக்கையாளர்கள் மத்தியில் பெரும் வரவேற்பைப் பெற்றுள்ளது.
ராயல் என்ஃபீல்ட் நிறுவனத்தின் பைக்குகளிலேயே அதிக மைலேஜ் தரக்கூடிய மூன்று மாடல்கள் குறித்த விவரங்களை இங்கே காணலாம். இந்த பைக்குகள், ராயல் என்ஃபீல்ட் பிராண்டின் சிறப்பம்சங்களைத் தக்கவைத்துக் கொண்டு, ஓரளவிற்கு சிறந்த மைலேஜையும் வழங்குகின்றன.
1. ராயல் என்ஃபீல்ட் கிளாசிக் 350 (Royal Enfield Classic 350): ராயல் என்ஃபீல்ட் நிறுவனத்தின் அதிக மைலேஜ் தரும் பைக்குகளில் முதலிடத்தில் இருப்பது கிளாசிக் 350 மாடல் ஆகும். இந்த பைக்கின் விலை 2 லட்சத்து 23 ஆயிரத்து 308 ரூபாயில் இருந்து தொடங்குகிறது. மொத்தம் 6 வேரியண்ட்களில் கிடைக்கும் இதன் டாப் வேரியண்ட்டின் விலை 2 லட்சத்து 65 ஆயிரத்து 311 ரூபாய் வரை உள்ளது. 349 சிசி திறன் கொண்ட எஞ்சினுடன் வரும் இந்த பைக், ஒரு லிட்டருக்கு சுமார் 35 கிலோமீட்டர் வரை மைலேஜ் தரக்கூடியது. இதில் 5 கியர்கள் பொருத்தப்பட்டுள்ளன. 195 கிலோ எடை கொண்ட இந்த பைக்கில் 13 லிட்டர் கொள்ளளவு கொண்ட பெட்ரோல் டேங்க் வசதி உள்ளது.
2. ராயல் என்ஃபீல்ட் ஹண்டர் 350 (Royal Enfield Hunter 350): ராயல் என்ஃபீல்ட் நிறுவனத்தின் மற்றொரு பிரபலமான மாடல் ஹண்டர் 350 ஆகும். இந்த பைக்கில் 4 வேரியண்ட்கள் உள்ளன. இதன் ஆரம்ப விலை 1 லட்சத்து 65 ஆயிரத்து 559 ரூபாயில் இருந்து தொடங்குகிறது. இதன் டாப் வேரியண்ட்டின் விலை 2 லட்சத்து 3 ஆயிரத்து 310 ரூபாய் ஆகும். 349.34 சிசி திறன் கொண்ட எஞ்சினுடன் வரும் இந்த பைக்கில் 5 கியர்கள் உள்ளன. 13 லிட்டர் பெட்ரோல் டேங்க் கொள்ளளவு கொண்ட இது, ஒரு லிட்டருக்கு 36.2 கிலோமீட்டர் வரை மைலேஜ் அளிக்கும் திறன் கொண்டது.
3. ராயல் என்ஃபீல்ட் புல்லட் 350 (Royal Enfield Bullet 350): ராயல் என்ஃபீல்ட் நிறுவனத்தின் பாரம்பரிய சின்னங்களில் ஒன்றான புல்லட் பைக்கின் அப்டேட் செய்யப்பட்ட வெர்சன் தான் புல்லட் 350. இந்த மாடலில் 4 வேரியண்ட்கள் கிடைக்கின்றன. இதன் தொடக்க விலை 1 லட்சத்து 97 ஆயிரத்து 189 ரூபாயில் இருந்து ஆரம்பமாகிறது. இதன் டாப் வேரியண்ட்டின் விலை 2 லட்சத்து 46 ஆயிரத்து 773 ரூபாய் வரை செல்கிறது. 349 சிசி திறன் கொண்ட எஞ்சினுடன் வரும் இந்த பைக்கில் 5 கியர்கள் மற்றும் 13 லிட்டர் பெட்ரோல் டேங்க் ஆகியவை பொருத்தப்பட்டுள்ளன. இது ஒரு லிட்டருக்கு சுமார் 35 கிலோமீட்டர் வரை மைலேஜ் தரக்கூடியது.
சந்தையில் உள்ள மற்ற பைக்குகள் பொதுவாக ஒரு லிட்டருக்கு 25 முதல் 30 கிலோமீட்டர் வரை மைலேஜ் அளிக்கும் நிலையில், ராயல் என்ஃபீல்டின் இந்த மாடல்கள் ஒப்பீட்டளவில் சிறந்த மைலேஜை வழங்குகின்றன. வாடிக்கையாளர்களைக் கவரும் வகையில், ராயல் என்ஃபீல்ட் நிறுவனம் தனது பல பைக் மாடல்களின் எடையைக் குறைத்து, நவீன வடிவமைப்புகளுடன் அறிமுகப்படுத்தி வருகிறது. இதன் காரணமாக, ராயல் என்ஃபீல்ட் நிறுவனத்தின் அனைத்து ரக பைக்குகளும் வாடிக்கையாளர்கள் மத்தியில் தொடர்ந்து நல்ல வரவேற்பைப் பெற்று வருகின்றன.
