ராம் சரண் நடிப்பில், புச்சி பாபு சனா இயக்கத்தில் உருவாகியுள்ள 'பெத்தி' படத்தின் டப்பிங் பணிகள் நிறைவடைந்துள்ளன. இந்தப் படத்தில் ஜெகபதி பாபு முக்கிய கதாபாத்திரத்தில் நடித்துள்ளார். அவர் தனது டப்பிங் பணிகளை சமீபத்தில் முடித்துள்ளார். இது தொடர்பான வீடியோ தற்போது இணையத்தில் வைரலாகி வருகிறது.
'பெத்தி' படத்தில் ராம் சரணுக்கு ஜோடியாக பாலிவுட் நடிகை ஜான்வி கபூர் நடித்துள்ளார். மேலும், கன்னட சூப்பர் ஸ்டார் சிவ ராஜ்குமார், மிர்சாபூர் புகழ் திவ்யேந்து மற்றும் ஜெகபதி பாபு ஆகியோர் முக்கிய வேடங்களில் நடித்துள்ளனர். விளையாட்டு பின்னணியில், அதிக பொருட்செலவில் இந்தப் படம் பிரமாண்டமாக உருவாகியுள்ளது.
ஏ.ஆர். ரகுமான் இசையமைத்துள்ள இந்தப் படத்தை ரித்தி சினிமாஸ் மற்றும் மைத்ரி மூவி மேக்கர்ஸ் இணைந்து தயாரித்துள்ளனர். 'பெத்தி' திரைப்படம் ஜூன் 4 ஆம் தேதி தமிழ், தெலுங்கு உள்ளிட்ட மொழிகளில் திரையரங்குகளில் வெளியாகவுள்ளது. படத்தின் டிரெய்லர், டீசர் மற்றும் பாடல்கள் ஏற்கனவே வெளியாகி ரசிகர்களின் கவனத்தை ஈர்த்துள்ளன.
படத்தின் வெளியீட்டிற்காக ரசிகர்கள் ஆவலுடன் காத்திருக்கும் நிலையில், முக்கிய கதாபாத்திரத்தில் நடித்த ஜெகபதி பாபு தனது டப்பிங் பணிகளை நிறைவு செய்துள்ளார். இந்தப் படத்தின் மீதான எதிர்பார்ப்பை இது மேலும் அதிகரித்துள்ளது.
