இந்திய மின்சார இருசக்கர வாகன சந்தையில் ஓலா நிறுவனம் ஒரு முக்கிய இடத்தை பிடித்துள்ளது. ஸ்கூட்டர்களுக்கு அடுத்தபடியாக, ஓலா இப்போது Roadster X என்ற புதிய மின்சார பைக்கையும் அறிமுகப்படுத்தியுள்ளது. இந்த பைக் மூன்று விதமான வேரியண்ட்களில் கிடைக்கிறது.
Roadster X பைக்கின் மூன்று வேரியண்ட்கள் மற்றும் அவற்றின் விலைகள்: 1. Roadster X 2.5 kwh – ரூ. 1,21,369 2. Roadster X 3.5 kwh – ரூ. 1,24,060 3. Roadster X 4.5 kwh – ரூ. 1,33,102. இந்த மூன்று வேரியண்ட்களும் முறையே 2.5 கிலோவாட், 3.5 கிலோவாட் மற்றும் 4.5 கிலோவாட் பேட்டரி திறனுடன் வருகின்றன.
மைலேஜ் மற்றும் சார்ஜிங் விவரங்கள்: 2.5 கிலோவாட் பேட்டரி கொண்ட மாடல் 105 கி.மீ மைலேஜ் தரும். 3.5 கிலோவாட் பேட்டரி கொண்ட மாடல் 196 கி.மீ மைலேஜ் தரும். 4.5 கிலோவாட் பேட்டரி கொண்ட மாடல் ஒருமுறை சார்ஜ் செய்தால் 252 கி.மீ தூரம் வரை பயணிக்க முடியும். 3.5 kwh வேரியண்ட்டை சார்ஜ் செய்ய 4.6 மணி நேரமும், 4.5 kwh வேரியண்ட்டை சார்ஜ் செய்ய 5.9 மணி நேரமும் ஆகும். இந்த பைக் யுஎஸ்பி சார்ஜிங் வசதியுடன் வருகிறது.
கூடுதல் சிறப்பம்சங்கள்: இந்த பைக் பச்சை, நீலம், சாம்பல், வெள்ளை உள்ளிட்ட 5 வண்ணங்களில் கிடைக்கிறது. 58 என்எம் டார்க் இழுவைத்திறன் கொண்டது. அதிகபட்சமாக மணிக்கு 118 கி.மீ வேகத்தில் செல்லக்கூடியது. 127 கிலோ எடை கொண்ட இந்த பைக், 777 மி.மீ இருக்கை உயரத்துடன் வருகிறது. எக்கோ, நார்மல் மற்றும் ஸ்போர்ட் என மூன்று விதமான ஓட்டும் மோட்களில் இது செயல்படும். லித்தியம் அயன் பேட்டரி, ஃபாஸ்ட் சார்ஜிங், போர்ட்டபிள் சார்ஜர், சிபிஎஸ் பிரேக்கிங் சிஸ்டம், அலாய் சக்கரங்கள், 18 இன்ச் முன்பக்க மற்றும் 17 இன்ச் பின்பக்க சக்கரங்கள், ட்யூப்லெஸ் டயர்கள் போன்ற அம்சங்களும் இதில் உள்ளன.
தொழில்நுட்ப வசதிகள்: டெலஸ்கோபிக் ஃபோர்க் சஸ்பென்ஷன் முன்பக்கத்திலும், ட்வின் ஷாக் அப்சார்பர்ஸ் பின்பக்கத்திலும் கொடுக்கப்பட்டுள்ளது. 180 மி.மீ கிரவுண்ட் கிளியரன்ஸ் உள்ளது. 3 வருட பேட்டரி மற்றும் மோட்டார் வாரண்டி வழங்கப்படுகிறது. 4.3 இன்ச் எல்சிடி டிஸ்ப்ளே, ப்ளூடூத், ஜிபிஎஸ் நேவிகேஷன், டிஜிட்டல் ஸ்பீடோமீட்டர், ஓடோமீட்டர், ட்ரிப் மீட்டர், ஸ்டாண்ட் அலாரம், லோ பேட்டரி இண்டிகேட்டர், ஹசார்ட் வார்னிங் இண்டிகேட்டர், கால்/எஸ்எம்எஸ் அலர்ட், நேரம் பார்க்கும் வசதி, யுஎஸ்பி சார்ஜிங் போர்ட், கீலெஸ் லாக்/அன்லாக், க்ரூஸ் கண்ட்ரோல், செல்ஃப் ஸ்டார்ட், ரிவர்ஸ் மோட், பார்க்கிங் அசிஸ்ட், ஸ்டார்ட்/ஸ்டாப் பட்டன், பேட்டரி ஸ்டேட்டஸ், லைவ் சார்ஜிங் ஸ்டேட்டஸ், லைவ் லொகேஷன் போன்ற நவீன வசதிகள் இதில் அடங்கும். எல்இடி முகப்பு விளக்குகள், பகல் நேர விளக்குகள், ஹசார்ட் வார்னிங் லைட்ஸ், எல்இடி சிக்னல்கள் ஆகியவையும் இதில் பொருத்தப்பட்டுள்ளன.
