வயது ஆக ஆக மூளையின் சக்தி குறையத் தொடங்குகிறது. இதைத் தவிர்க்க சில குறிப்பிட்ட உணவுகள் பெரிதும் உதவும். போதுமான அளவு தண்ணீர் அருந்தாவிட்டால், மூளையின் செயல்பாடு குறைந்து, வறட்சி ஏற்பட்டு ஞாபக சக்தியும் பாதிக்கப்படும். அதிக தண்ணீர் குடிப்பது மூளை வறட்சியைத் தடுத்து, மூளை செல்கள் சுறுசுறுப்பாக செயல்பட உதவும்.
மூளையின் செயல்பாட்டை அதிகரிக்க, தினமும் காலையில் ஒரு ஸ்பூன் தேன் சாப்பிடுவது எடை குறைவதோடு, ஞாபக சக்தியையும் அதிகரிக்க உதவும். பால் மற்றும் பால் சார்ந்த உணவுகளில் புரதம், கால்சியம், பொட்டாசியம் மற்றும் வைட்டமின் டி போன்ற சத்துக்கள் நிறைந்துள்ளன. இந்த ஊட்டச்சத்துக்கள் நரம்புத்தசை மண்டலத்தை சீராக இயக்குவதோடு, மூளை செல்கள் சிறப்பாக செயல்படவும் உதவுகின்றன.
குறிப்பாக, வளரும் குழந்தைகளுக்கு பால் மற்றும் அதன் மூலம் தயாரிக்கப்பட்ட உணவுகள் சிறந்த உடல் வளர்ச்சிக்கு உதவுவதோடு, மூளையையும் சுறுசுறுப்பாக வைத்திருக்க உதவுகின்றன. முட்டை, மூளையின் ஞாபக சக்தியை அதிகரிக்கும் செல்களின் வளர்ச்சிக்கு மிகவும் முக்கியமானது. மேலும், முட்டையை அதிகமாக உண்பதால் ஞாபக சக்தி அதிகரிப்பதோடு, மூளை சோர்வடையாமல் சுறுசுறுப்பாக இயங்கும்.
நட்ஸ் அதிகம் சாப்பிடுவதால், அதில் உள்ள வைட்டமின் டி மூளையை வளப்படுத்தி அறிவுத்திறனை மேம்படுத்தும். பொதுவாக கீரைகள் மற்றும் காய்கறிகள் போன்றவற்றை உணவில் அதிகம் சேர்த்துக்கொள்வது ஞாபக சக்தியை அதிகரிக்க உதவும். பசலைக் கீரை, லெட்யூஸ், ப்ரோக்கோலி, காலிஃப்ளவர் மற்றும் ஸ்ப்ரூட்ஸ் போன்ற காய்கறிகளில் ஞாபக சக்தியை அதிகரிக்கும் சத்துக்களும், வைட்டமின்கள் மற்றும் கனிமச்சத்துக்களும் அதிகம் உள்ளன. இவை உடலை ஆரோக்கியமாக வைத்திருக்கவும் உதவுகின்றன.
நட்ஸில் மூளையின் சக்தியை அதிகரிக்கும் வைட்டமின் ஈ மற்றும் பி6 உள்ளன. தினமும் ஒரு கைப்பிடி பாதாம், பிஸ்தா போன்ற நட்ஸ் வகைகளை சாப்பிடுவது ஞாபக சக்திக்கு மட்டுமல்லாமல், முழு உடல் மற்றும் மூளை வளர்ச்சிக்கும் நன்மை பயக்கும். இந்த உணவுகளைத் தொடர்ந்து உட்கொள்வதன் மூலம் மூளையின் ஆரோக்கியத்தையும், செயல்பாட்டையும் மேம்படுத்தலாம்.
