கேரளாவின் கோழிக்கோடு மாவட்டத்தில் நிபா வைரஸ் பாதிப்பு கண்டறியப்பட்டுள்ளது. ஃபெரோக் பகுதியைச் சேர்ந்த 43 வயது நபர் ஒருவருக்கு முதற்கட்ட சோதனையில் நிபா தொற்று உறுதி செய்யப்பட்டுள்ளது.
சுகாதாரத் துறை அதிகாரிகள் தீவிர கண்காணிப்பில் ஈடுபட்டுள்ளனர். பாதிக்கப்பட்ட நபர் பலருடன் தொடர்பில் இருந்திருக்கலாம் என்பதால், முன்னெச்சரிக்கை நடவடிக்கைகள் தீவிரப்படுத்தப்பட்டுள்ளன. இது தொடர்பாக கட்டுப்பாட்டு மண்டலங்கள் அமைப்பது குறித்து ஆலோசனைக் கூட்டங்கள் நடைபெற்று வருகின்றன.
சுகாதாரத் துறை அதிகாரிகள், நிபா வைரஸ் பரவலைத் தடுக்க தேவையான அனைத்து நடவடிக்கைகளையும் மேற்கொண்டு வருகின்றனர். இது குறித்த அடுத்தகட்ட நடவடிக்கைகள் குறித்து மூத்த அதிகாரிகள் ஆய்வு செய்து வருகின்றனர்.
நிபா வைரஸ் பாதிப்பு உறுதி செய்யப்பட்டதையடுத்து, அப்பகுதியில் சுகாதார அவசர நிலை பிரகடனப்படுத்தப்பட்டுள்ளது. பொதுமக்கள் தேவையின்றி வெளியில் செல்வதைத் தவிர்க்குமாறு அறிவுறுத்தப்பட்டுள்ளனர்.
