இந்திய இரு சக்கர வாகன சந்தையில் புதிய மாடல்களுடன் பல நிறுவனங்கள் தங்களது ஆதிக்கத்தை நிலைநாட்ட முயன்று வருகின்றன. அந்த வகையில், இந்திய சந்தையில் வேகமாக வளர்ந்து வரும் ஒரு இரு சக்கர வாகன தயாரிப்பு நிறுவனம் Keeway ஆகும்.
Keeway நிறுவனத்தின் முக்கியத்துவம் வாய்ந்த தயாரிப்புகளில் ஒன்றாக Keeway SR250 பைக் விளங்குகிறது. கம்பீரமான தோற்றத்துடன் சாலையில் வலம் வரும் இந்த Keeway SR250 பைக்கின் விலை இந்திய சந்தையில் ரூபாய் 1 லட்சத்து 90 ஆயிரத்து 891 என நிர்ணயிக்கப்பட்டுள்ளது. இந்த பைக் 223 சிசி எஞ்சின் திறனுடன் வருகிறது. மேலும், இது 5 கியர்களைக் கொண்டுள்ளது. இந்த பைக்கின் மொத்த எடை 120 கிலோ ஆகும்.
மைலேஜ் என்று பார்த்தால், இந்த Keeway SR250 பைக் ஒரு லிட்டர் பெட்ரோலுக்கு 35.5 கிலோமீட்டர் வரை மைலேஜ் வழங்கும் திறன் கொண்டது. இதன் பெட்ரோல் டேங்க் 14.2 லிட்டர் கொள்ளளவு கொண்டது. பைக்கின் இருக்கை உயரம் 780 மி.மீட்டர் ஆகும். இந்த பைக் கருப்பு, சிவப்பு மற்றும் வெள்ளை ஆகிய மூன்று வண்ணங்களில் வாடிக்கையாளர்களுக்குக் கிடைக்கிறது.
இந்த பைக் அதிகபட்சமாக மணிக்கு 120 கிலோமீட்டர் வேகத்தில் பயணிக்கக் கூடியது. மேலும், இது 16 என்எம் டார்க் இழுவிசைத் திறனையும், 15.78 பிஎச்பி குதிரைத் திறனையும் கொண்டுள்ளது. இதில் 5 கியர்கள் உள்ளன; ஒரு கியர் கீழ்நோக்கியும், நான்கு கியர்கள் மேல்நோக்கியும் செயல்படும் வகையில் வடிவமைக்கப்பட்டுள்ளது. ஒரு முறை பெட்ரோல் டேங்க் முழுமையாக நிரப்பப்பட்டால், இந்த பைக் சுமார் 504.1 கிலோமீட்டர் தூரம் வரை பயணிக்க முடியும் என்பது குறிப்பிடத்தக்கது.
Keeway SR250 பைக்கின் சிறப்பம்சங்களாக, பிஎஸ்6 பாஸ் 2 எமிஷன் ஸ்டாண்டர்ட் வசதி இடம்பெற்றுள்ளது. மேலும், டூயல் சேனல் ஏபிஎஸ் பிரேக்கிங் வசதியும் இதில் உள்ளது. முன்பக்க மற்றும் பின்பக்க சக்கரங்களில் டிஸ்க் பிரேக்குகள் பொருத்தப்பட்டுள்ளன. ஸ்போக் சக்கரங்கள் பயன்படுத்தப்பட்டுள்ளன; முன்பக்கம் 17 இன்ச் அளவிலும், பின்பக்கம் 17 இன்ச் அளவிலும் சக்கரங்கள் உள்ளன. ட்யூப்லெஸ் டயர்கள் பொருத்தப்பட்டுள்ளன.
சஸ்பென்ஷன் வசதியைப் பொறுத்தவரை, முன்பக்கத்தில் டெலஸ்கோபிக் சஸ்பென்ஷனும், பின்பக்கத்தில் ப்ரிலோட் அட்ஜஸ்டபிள் டூயல் ஷாக் சஸ்பென்ஷனும் கொடுக்கப்பட்டுள்ளது. பைக்கின் எடை 120 கிலோவாகவும், இருக்கை உயரம் 780 மி.மீட்டராகவும் உள்ளது. இதன் கிரவுண்ட் கிளியரன்ஸ் 160 மி.மீட்டர் ஆகும். பெட்ரோல் டேங்கில் 2.8 லிட்டர் ரிசர்வ் வசதியும் உள்ளது. மேலும், இந்த வாகனத்திற்கு 2 வருட வாரண்டியும் வழங்கப்படுகிறது.
வாகனத்தின் வசதிகளைப் பொறுத்தவரை, எல்சிடி டிஸ்ப்ளே வசதி கொடுக்கப்பட்டுள்ளது. ஸ்பீடோமீட்டர், ஓடோமீட்டர், ப்யூல் கேஜ், 2 ட்ரிப்மீட்டர், டேக்கோமீட்டர் ஆகியவை டிஜிட்டல் முறையில் காண்பிக்கப்படும். மேலும், ஸ்டாண்ட் அலாரம், கியர் இண்டிகேட்டர், லோ பேட்டரி இண்டிகேட்டர், ஹசார்ட் வார்னிங் இண்டிகேட்டர், மால்ஃபங்ஷன் இண்டிகேட்டர் மற்றும் நேரம் காட்டும் வசதி போன்றவையும் டிஜிட்டல் முறையில் உள்ளன.
விளக்குகளைப் பொறுத்தவரை, எல்இடி முகப்பு விளக்குகள், எல்இடி பிரேக்/டெயில் விளக்குகள், ஹசார்ட் வார்னிங் விளக்குகள், பாஸ் விளக்குகள் மற்றும் சிக்னல் விளக்குகள் என அனைத்தும் எல்இடி தொழில்நுட்பத்தில் வந்துள்ளன. இந்த அம்சங்கள் அனைத்தும் Keeway SR250 பைக்கை ஒரு கவர்ச்சிகரமான தேர்வாக மாற்றுகின்றன.
