இந்தியாவின் முன்னணி இருசக்கர வாகன தயாரிப்பு நிறுவனமான ஹோண்டா, மின்சார வாகன சந்தையில் தனது கவனத்தை செலுத்தி வருகிறது. அந்த வகையில், ஹோண்டா நிறுவனத்தின் புதிய Honda QC1 மின்சார ஸ்கூட்டர் குறித்த தகவல்கள் வெளியாகியுள்ளன. இந்த ஸ்கூட்டரின் விலை, மைலேஜ் மற்றும் பிற சிறப்பம்சங்கள் குறித்து விரிவாகக் காண்போம்.
Honda QC1 மின்சார ஸ்கூட்டரின் விலை ரூ.92,027 ஆக நிர்ணயிக்கப்பட்டுள்ளது. இந்த ஸ்கூட்டரில் ஒரே ஒரு வேரியண்ட் மட்டுமே உள்ளது. இதில் 1.5 கிலோவாட் பேட்டரி பொருத்தப்பட்டுள்ளது. ஒரு முறை முழுமையாக சார்ஜ் செய்தால், இந்த ஸ்கூட்டர் 80 கிலோமீட்டர் வரை மைலேஜ் வழங்கும் என தெரிவிக்கப்பட்டுள்ளது. மேலும், இது மணிக்கு அதிகபட்சமாக 50 கிலோமீட்டர் வேகத்தில் பயணிக்கக்கூடியது.
இந்த ஸ்கூட்டரின் எடை 89.5 கிலோ ஆகும். இதில் யுஎஸ்பி சார்ஜிங் போர்ட் வசதியும் இடம்பெற்றுள்ளது. ஒரு முறை சார்ஜ் செய்வதற்கு சுமார் 6.50 மணி நேரம் ஆகிறது. Honda QC1 ஸ்கூட்டர் நீலம், வெள்ளை, சாம்பல், வெளிர் நீலம் மற்றும் கருப்பு போன்ற வண்ணங்களில் கிடைக்கிறது. இதன் வடிவமைப்பு மிகவும் கவர்ச்சிகரமாகவும் அற்புதமாகவும் அமைந்துள்ளது.
பேட்டரி மற்றும் செயல்திறனைப் பொறுத்தவரை, இதில் அதிகபட்சமாக 1.8 கிலோவாட் பேட்டரி பொருத்தப்பட்டுள்ளது. இது 77 Nm டார்க் இழுவைத்திறன் கொண்டது. நிரந்தரமாக பொருத்தப்பட்டுள்ள லித்தியம் அயன் பேட்டரிக்கு போர்ட்டபிள் சார்ஜர் வசதி உள்ளது. பாதுகாப்பு அம்சங்களில் சிபிஎஸ் பிரேக்கிங் சிஸ்டம், முன்பக்கம் மற்றும் பின்பக்கம் ட்ரம் பிரேக்குகள், அலாய் சக்கரங்கள் ஆகியவை இடம்பெற்றுள்ளன. முன்பக்க சக்கரம் 12 இன்ச் அளவிலும், பின்பக்க சக்கரம் 10 இன்ச் அளவிலும் உள்ளன.
சஸ்பென்ஷன் அமைப்பில், முன்பக்கம் டெலிஸ்கோபிக் ஃபோர்க்ஸ் மற்றும் பின்பக்கம் 5 ஸ்டெப் அட்ஜெஸ்டபிள் ஹைட்ராலிக் சஸ்பென்ஷன் பயன்படுத்தப்பட்டுள்ளது. இதன் கிரவுண்ட் கிளியரன்ஸ் 169 மி.மீட்டர் மற்றும் இருக்கை உயரம் 704 மி.மீட்டர் ஆகும். வாடிக்கையாளர்களுக்கு 3 வருடங்கள் அல்லது 50,000 கிலோமீட்டர் வரை பேட்டரிக்கு வாரண்டியும், 3 வருடங்கள் மோட்டாருக்கு வாரண்டியும் வழங்கப்படுகிறது.
மேலும், இந்த ஸ்கூட்டரில் 5 இன்ச் எல்சிடி டிஸ்ப்ளே, ஸ்பீடோமீட்டர், ஓடோமீட்டர், ட்ரிப்மீட்டர், ஸ்டாண்ட் அலாரம், லோ பேட்டரி இண்டிகேட்டர், ஹை பீம் இண்டிகேட்டர், நேரம் பார்க்கும் வசதி, செல்ஃப் ஸ்டார்ட், சைட் ஸ்டாண்ட் இன்ஜின்/மோட்டார் கட்-ஆஃப் வசதி ஆகியவை உள்ளன. எல்இடி முகப்பு விளக்குகள் மற்றும் 26 லிட்டர் டிக்கி வசதியும் இதில் அடங்கும்.
