சருமம் கருமையடைவது பலருக்கும் ஒரு பொதுவான பிரச்சனையாகும். இதைக் குணப்படுத்தவும், சருமத்தை பொலிவாக்கவும் வீட்டிலேயே செய்யக்கூடிய எளிய வைத்தியங்கள் பல உள்ளன.
மஞ்சள் மற்றும் கடலைமாவை பால் அல்லது தண்ணீரில் கலந்து முகத்தில் பூசி, 15 முதல் 20 நிமிடங்கள் கழித்து முகத்தை கழுவுவதன் மூலம் முகத்தில் உள்ள கரும்புள்ளிகள் நீங்கி பொலிவு பெறும். இது சருமத்திற்கு புத்துணர்ச்சி அளிக்கும்.
தக்காளி மற்றும் சர்க்கரையை கொண்டு ஒரு ஸ்க்ரப் தயாரிக்கலாம். சர்க்கரை கொண்டு செய்யப்படும் இந்த ஸ்க்ரப், இறந்த சரும செல்களை எளிதாக அகற்ற உதவுகிறது. இதன் மூலம் சருமம் மென்மையாகவும் பளபளப்பாகவும் மாறும்.
தேங்காய் எண்ணெயையும் சர்க்கரையையும் கலந்து முகம் மற்றும் கழுத்துப் பகுதிகளில் தடவி வந்தால், வாரந்தோறும் இதைச் செய்வதன் மூலம் சருமத்தில் உள்ள இறந்த செல்கள் அகற்றப்பட்டு, முகம் பொலிவு பெறும். இது சருமத்திற்கு ஈரப்பதத்தையும் அளிக்கும்.
சோற்றுக்கற்றாழையின் சதையை நன்கு அரைத்து, அதனுடன் ஒரு சிட்டிகை மஞ்சள், ஒரு தேக்கரண்டி பால் மற்றும் ஒரு தேக்கரண்டி தேன் கலந்து முகத்தில் பூசலாம். இது முகத்தின் சூட்டை தனித்து சருமத்தை மிருதுவாக்கும். மேலும், சரும வறட்சியையும் போக்கும்.
அரிசி மாவு ஒரு சிறந்த ஸ்க்ரப்பராக செயல்படும். பால் முகத்தில் உள்ள அதிகப்படியான எண்ணெயை நீக்க உதவும். எலுமிச்சை நுண்கிருமிகளை அழித்து முகத்தை சுத்தமுடனும் ஆரோக்கியமாகவும் வைத்திருக்க உதவும். இந்த மூன்றையும் கலந்து தினமும் முகத்திற்கு ஸ்கரப் செய்து வந்தால், முகம் பளிச்சென்று ஜொலிக்கும்.
எலுமிச்சை சாறை சர்க்கரையுடன் சேர்த்து சருமம் கருமை அடைந்த இடங்களில் தடவினால், நாளடைவில் அது கருமையை குணப்படுத்தி சருமத்தை சீராக்கும். இது இயற்கையான முறையில் சரும நிறத்தை மேம்படுத்தும்.
பப்பாளியை நன்கு மசித்து, அதனுடன் தேன் மற்றும் முல்தானி மட்டி அல்லது இழைத்த சந்தனத்தை கலந்து முகத்தில் பூசலாம். இது சருமத்தை மிருதுவாக்குவதுடன், சருமத்தின் பொலிவையும் அதிகரிக்கும். இந்த வைத்தியங்கள் அனைத்தும் சருமத்தை ஆரோக்கியமாகவும் அழகாகவும் வைத்திருக்க உதவும்.
