இதய ஆரோக்கியத்தை மேம்படுத்தவும், உடலில் இரத்த ஓட்டத்தை அதிகரிக்கவும் உதவும் பழங்கள் மற்றும் கீரைகள் குறித்த தகவல்கள் வெளியாகியுள்ளன. இவற்றைத் தொடர்ந்து உட்கொள்வதன் மூலம் பல்வேறு உடல்நலப் பிரச்சனைகளைத் தவிர்க்கலாம்.
பீட்ரூட் கிழங்கை உணவில் சேர்த்துக்கொள்வது புதிய இரத்தம் உற்பத்திக்கு பெரிதும் உதவும். செம்பருத்திப் பூவின் இதழ்களை, அதன் மகரந்தத்தைத் தவிர்த்து, வெறும் வயிற்றில் சாப்பிட்டு வந்தால், வெட்டை சூடு நீங்குவதோடு இரத்தம் விருத்தியாகும் என்றும் கூறப்படுகிறது.
முருங்கைக் கீரையை துவரம் பருப்புடன் சேர்த்து சமைத்து, அதனுடன் ஒரு கோழிமுட்டையை உடைத்து ஊற்றி, நெய் சேர்த்து 41 நாட்கள் தொடர்ந்து சாப்பிட்டு வந்தால் உடலில் இரத்தம் அதிகரிக்கும் என நம்பப்படுகிறது. இஞ்சிச் சாறுடன் தேன் கலந்து அருந்துவது இரத்தத்தைச் சுத்தப்படுத்த உதவும் ஒரு பாரம்பரிய முறையாகும்.
தக்காளிப் பழம் இரத்தத்தைச் சுத்திகரிக்கும் தன்மை கொண்டது. இருப்பினும், வாத நோய் பாதிப்பு உள்ளவர்கள் இதைத் தவிர்ப்பது நல்லது. இலந்தைப் பழம் இரத்தத்தைச் சுத்தம் செய்வதோடு, உடலைச் சுறுசுறுப்பாக வைத்திருக்கவும், பசியைத் தூண்டவும் உதவும்.
விளாம்பழத்தைச் சாப்பிடுவதால் இரத்தத்தில் உள்ள கிருமிகள் அழிக்கப்படும். உடலில் இரத்தம் சுத்தமில்லாமல் இருந்தால் உடல் அசதி, காய்ச்சல், வயிற்றுப் பொருமல், சுவாசக் கோளறுகள் போன்ற பிரச்சனைகள் ஏற்படலாம். எனவே, உடலின் அடிப்படை சக்தியான இரத்தத்தைச் சுத்தமாக வைத்திருப்பது மிகவும் அவசியமாகும்.
நாவல் பழத்தை அடிக்கடி சாப்பிட்டு வந்தால், அது இதயத்திற்கு மிகுந்த பலத்தைக் கொடுக்கும். மேலும், உடலில் இரத்தம் அதிகமாக ஊறுவதற்கும் இது துணைபுரியும். பேரீச்சம் பழத்தை தேனில் மூன்று நாட்கள் ஊறவைத்து, தினமும் காலை வேளையில் 2 அல்லது 3 பழங்களைச் சாப்பிட்டு வந்தால் உடலில் இரத்தம் பெருகும்.
தினசரி இரவு அரை தம்ளர் தண்ணீரில் 3 உலர்ந்த அத்திப்பழங்களை ஊறவைத்து, காலையில் வெறும் வயிற்றில் அந்த நீரைக் குடித்தால் இரத்தம் அதிகரிக்கும் என்று கூறப்படுகிறது. இந்த பழங்கள் மற்றும் கீரைகள் மூலம் இதய ஆரோக்கியத்தையும், இரத்த விருத்தியையும் மேம்படுத்தலாம்.
