இந்தியாவில் மின்சார ஸ்கூட்டர்களின் ஆதிக்கம் அதிகரித்து வரும் நிலையில், மின்சார பைக்குகளின் எண்ணிக்கையும் கணிசமாக உயர்ந்து வருகிறது. அந்த வகையில், Ferrato நிறுவனத்தின் புதிய Ferrato FEV 650 மின்சார பைக் குறித்த தகவல்களை விரிவாகக் காண்போம்.
Ferrato FEV 650 பைக்கானது மிகவும் ஸ்போர்ட்ஸியான, கவர்ச்சியான மற்றும் ஸ்டைலான தோற்றத்துடன் வடிவமைக்கப்பட்டுள்ளது. இதன் விலை ரூபாய் 1 லட்சத்து 63 ஆயிரத்து 747 ஆகும். குறிப்பாக இளைஞர்களைக் கவரும் வகையில் உருவாக்கப்பட்ட இந்த பைக்கில் 700 மி.மீ இருக்கை உயரம் உள்ளது. மேலும், சிவப்பு, நீலம் மற்றும் கருப்பு ஆகிய மூன்று வண்ணங்களில் இந்த பைக் கிடைக்கிறது. 233 என்எம் டார்க் இழுவிசையுடன் இது வருகிறது.
இந்த Ferrato FEV 650 மின்சார பைக்கில் 4.4 கிலோவாட் பேட்டரி பொருத்தப்பட்டுள்ளது. ஒரு முறை முழுமையாக சார்ஜ் செய்தால், இது 198 கிலோமீட்டர் வரை மைலேஜ் வழங்கும் திறன் கொண்டது. இந்த பைக் அதிகபட்சமாக மணிக்கு 95 கிலோமீட்டர் வேகத்தில் பயணிக்கக் கூடியது. முழுமையாக சார்ஜ் செய்வதற்கு சுமார் 5 மணி நேரம் ஆகிறது. இதன் மொத்த எடை 164 கிலோ ஆகும். மேலும், எகோ, சிட்டி மற்றும் ஸ்போர்ட் என மூன்று விதமான ஓட்டும் முறைகளையும் (modes) கொண்டுள்ளது. ஐபி 67 ரேட்டிங் கொண்ட மோட்டார் மற்றும் லித்தியம் அயர்ன் பேட்டரி இதில் பயன்படுத்தப்பட்டுள்ளது. போர்ட்டபிள் சார்ஜர் வசதியும் உண்டு. சிபிஎஸ் பிரேக்கிங் சிஸ்டம் மற்றும் முன்புறம், பின்புறம் என இரண்டு சக்கரங்களிலும் டிஸ்க் பிரேக் பொருத்தப்பட்டுள்ளது. அலாய் சக்கரங்கள் பயன்படுத்தப்பட்டுள்ளன.
முன்புறம் மற்றும் பின்புறம் 17 இன்ச் சக்கரங்கள் மற்றும் ட்யூப்லெஸ் டயர்கள் இதில் இடம்பெற்றுள்ளன. முன்பக்கத்தில் டெலிஸ்கோபிக் சஸ்பென்ஷன் மற்றும் பின்புறத்தில் மோனோஷாக் அப்சார்பர் சஸ்பென்ஷன் கொடுக்கப்பட்டுள்ளது. பேட்டரிக்கு 3 வருடங்கள் அல்லது 30 ஆயிரம் கிலோமீட்டர் வரை வாரண்டியும், மோட்டாருக்கு 3 வருடங்கள் வாரண்டியும் வழங்கப்படுகிறது.
இந்த பைக்கில் டிஜிட்டல் டிஸ்ப்ளே, ப்ளூடூத் மற்றும் இன்டர்நெட் இணைப்பு, ஜிபிஎஸ் நேவிகேஷன் வசதி ஆகியவை உள்ளன. ஸ்பீடோமீட்டர், ஓடோமீட்டர், 2 ட்ரிப்மீட்டர்கள் அனைத்தும் டிஜிட்டல் முறையில் காண்பிக்கப்படும். மேலும், ஸ்டாண்ட் அலாரம், லோ பேட்டரி இண்டிகேட்டர், ஹசார்ட் வார்னிங் இண்டிகேட்டர், ஹை பீம் இண்டிகேட்டர் மற்றும் நேரம் பார்க்கும் வசதி போன்றவையும் இதில் அடங்கும். யுஎஸ்பி சார்ஜிங் போர்ட், கீலெஸ் லாக்/ அன்லாக், செல்ஃப் ஸ்டார்ட், சைட் ஸ்டாண்ட் இன்ஜின்/ மோட்டார் கட்-ஆஃப், ரிவர்ஸ் மோட், ஆர்டிஃபிஷியல் சத்தம், ஸ்டார்ட்/ ஸ்டாப் பட்டன், பேட்டரி ஸ்டேட்டஸ், லைவ் சார்ஜிங் ஸ்டேட்டஸ் மற்றும் லைவ் லொகேஷன் போன்ற நவீன வசதிகளும் இதில் கொடுக்கப்பட்டுள்ளன. எல்இடி முகப்பு விளக்குகள், பகல் நேர விளக்குகள் மற்றும் பிரேக்/ டெயில் விளக்குகள் பொருத்தப்பட்டுள்ளன. ஸ்டெப்ட் சீட் வசதியும் உள்ளது.
