தமிழ்நாடு பொறியியல் மாணாக்கர் சேர்க்கை – 2026க்கான தரவரிசைப் பட்டியல் வரும் ஜூலை 1ஆம் தேதி வெளியிடப்படும் என்று உயர்கல்வித் துறை அமைச்சர் பெ.விஸ்வநாதன் அறிவித்துள்ளார்.
CBSE-யின் மறுமதிப்பீட்டு மதிப்பெண்கள் ஜூன் 21, 2026 அன்று வெளியானதை அடுத்து, முதலில் ஜூன் 29, 2026 அன்று வெளியிட திட்டமிடப்பட்டிருந்த தரவரிசைப் பட்டியல், ஜூலை 1, 2026 அன்று வெளியிடப்படும் என அமைச்சர் தனது அறிக்கையில் தெரிவித்துள்ளார். மேலும், பொறியியல் சேர்க்கைக்கான கலந்தாய்வு தேதிகளும் அன்றே அறிவிக்கப்படும்.
வெளியிடப்படும் தரவரிசைப் பட்டியலில் ஏதேனும் குறைகள் இருப்பின், அவற்றைச் சரிசெய்வதற்கான குறைதீர்ப்பு காலம் ஜூலை 1, 2026 முதல் ஜூலை 5, 2026 வரை வழங்கப்படும். இந்தக் காலகட்டத்தில் மாணவர்கள் தங்களுக்குரிய குறைகளை நிவர்த்தி செய்து கொள்ள, அருகிலுள்ள தமிழ்நாடு பொறியியல் மாணாக்கர் சேர்க்கை சேவை மையங்களை (TFCs) நேரில் அணுகலாம் என்றும் அவர் குறிப்பிட்டுள்ளார்.
இந்த அறிவிப்பு, பொறியியல் படிப்பில் சேர காத்திருக்கும் ஆயிரக்கணக்கான மாணவர்களுக்கு முக்கிய தகவலாக அமைந்துள்ளது. தரவரிசை பட்டியல் வெளியானதும், கலந்தாய்வு தேதிகள் அறிவிக்கப்படும் என்பதால், மாணவர்கள் அடுத்தகட்ட நடவடிக்கைகளைத் திட்டமிட இது உதவும்.
