தனுசு ராசிக்காரர்களுக்கு இந்த வாரம் விபரீத ராஜயோகமான வாரமாக அமையும். ராசி அதிபதி குரு பகவான் அஷ்டம ஸ்தானத்தில் உச்சம் அடைகிறார். சுமார் ஐந்து மாத காலத்திற்கு பிறகு குரு அதிசாரமாக 9ஆம் இடத்திற்கு செல்கிறார்.
அரசாங்கத்திடம் இருந்து உங்களுக்கு அனுகூலமான செய்திகளும் தகவல்களும் வந்து சேரும். உங்கள் தைரியமும் சுறுசுறுப்பும் அதிகரிக்கும். உங்களுடன் தவறாக புரிந்திருந்த உறவினர்கள் பகைமையை மறந்து உங்களுடன் இணக்கமாக பழகுவார்கள். பாகப்பிரிவினை விஷயங்களில் உடன்பிறப்புகள் உங்களுக்கு சம்மதம் தெரிவிப்பார்கள். பிள்ளைகளுக்கு சுப விசேஷங்களை நடத்தி மகிழ்வீர்கள்.
குல தெய்வ கடாட்சமும் முன்னோர்களின் நல்லாசியும் உங்களுக்கு கிட்டும். திருமணத் தடைகள் அகலும். திருமணமான இளம்பெண்களுக்கு கருத்தரிக்கும் யோகம் உண்டு. ஆரோக்கிய தொல்லைகள் குறையும். வழக்குகள் உங்களுக்கு சாதகமாக அமையும். பெரிய முதலீடுகள் போன்ற புதிய முயற்சிகளை தவிர்த்து, அன்றாட பணிகளில் மட்டும் கவனம் செலுத்துவது நல்லது. குடியிருக்கும் வீட்டில் இருந்த பிரச்சனைகள் அகலும்.
பெண்கள் வீட்டுக்கு தேவையான பொருட்களை வாங்குவார்கள். வீடு, நிலம் போன்றவை வாங்கும் யோகமும் சிலருக்கு ஏற்படும். சிலருக்கு விபரீத ராஜயோகமாக அதிர்ஷ்டவசமாக சொத்து, நகை, பணம் கிடைக்கலாம். சில ஆரோக்கிய குறைபாடுகள் அறுவை சிகிச்சையின் மூலம் சீராகும். பிரதோஷ நாளன்று சந்தன அபிஷேகம் செய்து சிவனை வழிபடவும்.
