திருப்பத்தூர் மாவட்டம் ஆம்பூரில் நடந்த சோகம், ஒரு 3 வயது சிறுமியின் உயிரைக் பறித்துள்ளது. நாய்க்கு வைக்கப்பட்ட கோழி இறைச்சியை தெரியாமல் சாப்பிட்டதால் இந்த துயரம் நிகழ்ந்துள்ளது. பெற்றோரின் கவனக்குறைவால் நடந்த இந்த சம்பவம் அப்பகுதியில் பெரும் அதிர்வலைகளை ஏற்படுத்தியுள்ளது.
சதீஷ் – ஸ்ரேயா தம்பதியினரின் இரு மகள்களில் மூத்தவரான 3 வயது சிறுமி, நாய்க்கு வைக்கப்பட்டிருந்த கோழி இறைச்சிக் குழம்பை தவறுதலாக சாப்பிட்டு மயங்கி விழுந்துள்ளார். உடனடியாக அவரை அருகிலுள்ள அரசு மருத்துவமனைக்கு அழைத்துச் சென்றனர். ஆனால், சிகிச்சை பலனின்றி அந்த சிறுமி பரிதாபமாக உயிரிழந்தார்.
இதுகுறித்து ஆம்பூர் காவல் நிலையத்தில் பெற்றோர் அளித்த வாக்குமூலத்தின்படி, மே 10 ஆம் தேதி சமைக்கப்பட்ட கோழி இறைச்சி குழம்பு, மே 12 ஆம் தேதி நாய்க்கு வைக்கப்பட்டிருக்கிறது. இந்த குழம்பை குழந்தைகள் சாப்பிட்டது தெரியாமல் நடந்த இந்த துயர சம்பவம், பெற்றோர்கள் மத்தியில் பெரும் அதிர்ச்சியையும், சோகத்தையும் ஏற்படுத்தியுள்ளது.
இந்த சம்பவம், உணவுப் பொருட்களை முறையாகப் பாதுகாப்பதன் அவசியத்தை உணர்த்துகிறது. குறிப்பாக, குழந்தைகள் இருக்கும் வீடுகளில், சமைத்த உணவுகள் மற்றும் இறைச்சி போன்றவற்றை எங்கு வைக்கிறோம் என்பதில் மிகுந்த கவனம் தேவை. அலட்சியத்தால் ஏற்பட்ட இந்த உயிரிழப்பு, பல பெற்றோர்களுக்கு ஒரு பாடமாக அமைந்துள்ளது.
