இந்தியாவில் மின்சார வாகனங்களின் பயன்பாடு நாளுக்கு நாள் அதிகரித்து வரும் நிலையில், இ-ஸ்கூட்டர் சந்தையில் Ather நிறுவனம் ஒரு முக்கிய இடத்தைப் பிடித்துள்ளது. இந்நிறுவனத்தின் மிகவும் பிரபலமான மாடல்களில் ஒன்றான Ather 450S, இந்திய சந்தையில் அதிகளவில் விற்பனையாகி வருகிறது. குறிப்பாக, இந்த ஸ்கூட்டரின் டாப் வேரியண்டான 450S Super Matte – 3.7 kWh Ather Stack Pro-வின் விலை, தரம் மற்றும் மைலேஜ் குறித்த விவரங்கள் வாடிக்கையாளர்களை வெகுவாகக் கவர்ந்துள்ளன.
Ather 450S Super Matte இ-ஸ்கூட்டரில் 3.7 கிலோவாட் பேட்டரி பொருத்தப்பட்டுள்ளது. இந்த பேட்டரியை ஒருமுறை முழுமையாக சார்ஜ் செய்தால், 161 கிலோமீட்டர் தூரம் வரை பயணிக்க முடியும் என தெரிவிக்கப்பட்டுள்ளது. இது ஒருமுறை சார்ஜ் செய்தால் அதிகபட்சமாக 90 கிலோமீட்டர் வேகத்தில் செல்லக்கூடியது. இந்த ஸ்கூட்டரை முழுமையாக சார்ஜ் செய்வதற்கு சுமார் 5.45 மணி நேரம் ஆகிறது.
இந்த இ-ஸ்கூட்டரில் 1 நிரந்தர பேட்டரி பொருத்தப்பட்டுள்ளது. மேலும், இது 175 கிலோ வரை எடை தாங்கும் ஆற்றல் கொண்டது. தற்போது சந்தன மற்றும் நீல நிறங்களில் இந்த Ather 450S ஸ்கூட்டர் கிடைக்கிறது. இதன் மொத்த எடை 108 கிலோ ஆகும். மேலும், யுஎஸ்பி சார்ஜிங் வசதி மற்றும் 22 நியூட்டன் மீட்டர் டார்க் இழுவைத்திறன் ஆகியவையும் இதில் இடம்பெற்றுள்ளன.
பேட்டரி அம்சங்களைப் பொறுத்தவரை, ஸ்போர்ட், ரைட், எகோ மற்றும் ஸ்மார்ட் எகோ போன்ற பல்வேறு ரைடிங் மோடுகள் இதில் உள்ளன. BMSM மோட்டார் மற்றும் லித்தியம் அயன் பேட்டரி பயன்படுத்தப்பட்டுள்ளது. ஃபாஸ்ட் சார்ஜிங் வசதி மற்றும் போர்ட்டபிள் சார்ஜர் வசதியும் இதில் கிடைக்கிறது.
பாதுகாப்பு அம்சங்களில், சிபிஎஸ் பிரேக்கிங் வசதி உள்ளது. முன்பக்க மற்றும் பின்பக்க சக்கரங்களில் டிஸ்க் பிரேக்குகள் பொருத்தப்பட்டுள்ளன. அலாய் சக்கரங்கள் பயன்படுத்தப்பட்டுள்ளன. முன்பக்க மற்றும் பின்பக்க சக்கரங்கள் 12 இன்ச் அளவு கொண்டவை. ட்யூப்லெஸ் டயர்கள் பயன்படுத்தப்பட்டுள்ளன.
சிறப்பு அம்சங்களாக, முன்பக்கத்தில் டெலஸ்கோபிக் ஃபோர்க் சஸ்பென்ஷன் மற்றும் பின்பக்கத்தில் மோனோஷாக் சஸ்பென்ஷன் ஆகியவை பொருத்தப்பட்டுள்ளன. இதன் கிரவுண்ட் கிளியரன்ஸ் 170 மில்லிமீட்டர் ஆகும். பேட்டரிக்கு 3 வருடங்கள் அல்லது 30 ஆயிரம் கிலோமீட்டர் வரை வாரண்டி வழங்கப்படுகிறது. மோட்டாருக்கும் 3 வருடங்கள் வாரண்டி அளிக்கப்பட்டுள்ளது.
டிஜிட்டல் டிஸ்ப்ளே, ப்ளூடூத் இணைப்பு, நேவிகேஷன் வசதி ஆகியவை இதில் உள்ளன. ஸ்பீடோமீட்டர் மற்றும் 2 ட்ரிப்மீட்டர்கள் டிஜிட்டல் முறையில் காட்டப்படுகின்றன. மேலும், ஸ்டாண்ட் அலாரம், லோ பேட்டரி இண்டிகேட்டர், ஹசார்ட் வார்னிங் இண்டிகேட்டர், ஹை பீம் இண்டிகேட்டர் போன்ற பல எச்சரிக்கை விளக்குகளும் இதில் உள்ளன. கால்/எஸ்எம்எஸ் அலெர்ட் வசதியும் இதில் இடம்பெற்றுள்ளது.
கூடுதல் வசதிகளாக, யுஎஸ்பி சார்ஜிங் போர்ட், செல்ஃப் ஸ்டார்ட், சைட் ஸ்டாண்ட் எஞ்சின்/மோட்டார் கட்-ஆஃப், ரிவர்ஸ் மோட், ஸ்டார்ட்/ஸ்டாப் பட்டன் ஆகியவை உள்ளன. பேட்டரி ஸ்டேட்டஸ் மற்றும் லைவ் சார்ஜிங் ஸ்டேட்டஸ் ஆகியவற்றை அறியும் வசதியும் உள்ளது. எல்இடி முகப்பு விளக்குகள், பகலில் எரியும் விளக்குகள், பிரேக்/டெயில் விளக்குகள் பொருத்தப்பட்டுள்ளன. மேலும், 22 லிட்டர் கொள்ளளவு கொண்ட டிக்கியும் இதில் உள்ளது.
