ரஷ்யாவில் கடந்த மே 9-ஆம் தேதி வெற்றி தின விழா கோலாகலமாக கொண்டாடப்பட்டது. இதனை முன்னிட்டு, அரசு சார்பில் கிரெம்ளின் மாளிகையில் முக்கிய விருந்தினர்களுக்கு சிறப்பு விருந்து ஏற்பாடு செய்யப்பட்டிருந்தது.
இந்த வெற்றி தின விழாவில் பங்கேற்க வந்த 92 வயதான வேரா குரேவிச் என்ற தனது முன்னாள் ஆசிரியையை, அதிபர் புதின் அர்பாத் ஹோட்டலில் இருந்து தானே காரை ஓட்டி வந்து கிரெம்ளின் மாளிகையில் நடைபெற்ற இரவு விருந்துக்கு அழைத்துச் சென்றார்.
தன்னுடைய தனிப்பட்ட வாழ்க்கையில் தனக்குக் கல்வி கற்பித்த ஆசிரியர்களுக்கு அதிபர் புதின் அளிக்கும் மரியாதையையும் முக்கியத்துவத்தையும் இச்சம்பவம் எடுத்துக்காட்டுகிறது. குறிப்பிடத்தக்க வகையில், வேரா குரேவிச், அதிபர் புதினுக்கு ஜெர்மன் மொழியைக் கற்றுக்கொடுத்தவர் ஆவார். இச்சம்பவம் தொடர்பான காட்சிகள் சமூக வலைத்தளங்களில் வேகமாகப் பரவி வருகின்றன.
