வணிக பயன்பாட்டிற்கான கேஸ் சிலிண்டர்கள் மீதான அனைத்து விநியோக கட்டுப்பாடுகளையும் மத்திய அரசு நீக்கியுள்ளது. நிலைமை முழுமையாக சீரடைந்துவிட்டதாக அரசு தெரிவித்துள்ளது.
மத்திய கிழக்குப் பிராந்தியத்தில் நிலவி வரும் நெருக்கடி காரணமாக, LPG விநியோகம் பாதிக்கப்பட்டு, சென்னையில் 19 கிலோ எடையுள்ள வணிக சிலிண்டர் விலை ரூ.3,237.50 ஆகவும், 14.2 கிலோ எடையுள்ள வீட்டு உபயோக சிலிண்டர் விலை ரூ.928 ஆகவும் விற்பனை செய்யப்பட்டது. சிலிண்டர் பதுக்கலைத் தடுக்கும் நோக்கில், மத்திய பெட்ரோலிய துறை அமைச்சகம் 'முன்னெடுப்பு விநியோகக் கொள்கை' என்ற புதிய நடைமுறையை அமல்படுத்தியது.
தற்போது, வணிக பயன்பாட்டுக்கான கேஸ் சிலிண்டர்கள் மீதான கட்டுப்பாடுகள் நீக்கப்படுவதாக மத்திய அரசு அறிவித்துள்ளது. உள்நாட்டு LPG உற்பத்தி மற்றும் இறக்குமதி சீராக இருப்பதால், வணிக மற்றும் தொழில்துறை நுகர்வோருக்கான Bulk LPG விநியோகம் முற்றிலும் நிறுத்தப்பட்டிருந்த நிலையில், அது 50% அளவுக்கு தளர்த்தப்பட்டுள்ளது.
இந்த நடவடிக்கையால் வணிக நிறுவனங்கள் மற்றும் தொழில்துறையினர் பெரிதும் பயனடைவார்கள் என எதிர்பார்க்கப்படுகிறது. LPG விநியோகம் சீரடைந்திருப்பது, சந்தையில் நேர்மறையான தாக்கத்தை ஏற்படுத்தும் என நம்பப்படுகிறது.
