IPL | தேர்தல் நேரத்தில் கிரிக்கெட் ஜூரம்… தமிழகத்தில் சிஎஸ்கே விளையாடும் தேதிகள் இதுதான் ஐபிஎல் தொடரில் இதுவரை 5 முறை சாம்பியன் பட்டம் வென்றுள்ள சென்னை சூப்பர் கிங்ஸ் அணி, நடப்பு தொடரின் முதல் லீக் ஆட்டத்தில் ராஜஸ்தான் ராயல்ஸ் அணியை எதிர்கொள்கிறது. வரும் 30ஆம் தேதி கவுகாத்தியில் இந்த ஆட்டம் நடைபெறுகிறது.
ஐபிஎல் கிரிக்கெட் தொடருக்கான முதற்கட்ட அட்டவணை ஏற்கனவே வெளியாகி இருந்த நிலையில், தற்போது முழு அட்டவணையை பிசிசிஐ வெளியிட்டிருக்கிறது. லீக் ஆட்டங்களில் மும்பையுடன் 2 போட்டிகளிலும், பெங்களூருவுடன் ஒரு போட்டியிலும் சிஎஸ்கே களம் காண்கிறது.
ஐபிஎல் கிரிக்கெட் திருவிழாவின் 19ஆவது சீசன், நாளை ஆரம்பிக்கிறது. பெங்களூருவில் நடைபெறும் முதல் போட்டியில், ஐதராபாத் அணியும், பெங்களூரு அணியும் மோதுகின்றன. ஐபிஎல் தொடரில் இதுவரை 5 முறை சாம்பியன் பட்டம் வென்றுள்ள சென்னை சூப்பர் கிங்ஸ் அணி, நடப்பு தொடரின் முதல் லீக் ஆட்டத்தில் ராஜஸ்தான் ராயல்ஸ் அணியை எதிர்கொள்கிறது. வரும் 30ஆம் தேதி கவுகாத்தியில் இந்த ஆட்டம் நடைபெறுகிறது.advertisement3/6
தமிழகத்தில் சட்டமன்ற தேர்தல் காலமான ஏப்ரல் 3, 11 மற்றும் 14ஆம் தேதிகளில் சென்னை சேப்பாக்கம் மைதானத்தில் களமிறங்குகிறது சிஎஸ்கே அணி. 3ஆம் தேதி பஞ்சாப் உடனும், 11ஆம் தேதி டெல்லியுடனும், 14ஆம் தேதி கொல்கத்தா அணியுடனும் சென்னை மோதுகிறது.a
நடப்பு ஐபிஎல் தொடரில், பெங்களூரு அணியுடன் ஒரே ஒரு லீக் போட்டியில் மட்டுமே சென்னை விளையாடுகிறது. ஏப்ரல் 5ஆம் தேதி பெங்களூரு சின்னசாமி மைதானத்தில் இந்த போட்டி நடக்கிறது. தமிழ்நாட்டில் வாக்குப்பதிவு நாளான ஏப்ரல் 23ஆம் தேதி மும்பையின் வான்கடே மைதானத்தில் மும்பை இந்தியன்ஸ் உடன் மோதுகிறது சென்னை சூப்பர் கிங்ஸ். மே 2ஆம் தேதி மீண்டும் மும்பையுடன் சிஎஸ்கே மோதும் ஆட்டம், சேப்பாக்கத்தில் நடக்கிறது.advertisement5/6
ஏப்ரல் 18 மற்றும் மே 18 ஆகிய இரு தினங்களில், ஐதராபாத் அணியுடனும், மே 10 மற்றும் 15 ஆகிய நாட்களில் லக்னோ அணியுடனும் சென்னை மோதுகிறது. லீக் போட்டிகளில் சிஎஸ்கேவுக்கான கடைசி இரு ஆட்டங்கள், சேப்பாக்கத்தில் நடைபெறுகின்றன. மார்ச் 28 முதல் மே 24 வரை மொத்தம் 70 லீக் போட்டிகள் நடைபெறுகின்றன. சென்னை சேப்பாக்கத்தில் மட்டும் 7 ஆட்டங்களில் சிஎஸ்கே அணி பலப்பரீட்சை நடத்துகிறது.advertisement6/6
நடப்பு ஐபிஎல் தொடரில் மொத்தம் 10 அணிகள் களம் காண்கின்றன. நடப்பு சாம்பியனான பெங்களூரு அணி, ஏப்ரல் 12 மற்றும் மே 10 ஆகிய தேதிகளில் மும்பை இந்தியன்ஸுடன் மோதுகிறது. மே 24ஆம் தேதியுடன் லீக் ஆட்டங்கள் நிறைவு பெறும் நிலையில், அடுத்ததாக மூன்று பிளே ஆஃப் போட்டிகளும், மே 31ஆம் தேதி இறுதிப்போட்டியும் நடைபெறுகிறது.
