கன்னி ராசிக்காரர்களுக்கு இந்த வாரம் இழுபறியாக இருந்த வேலைகள் அனைத்தும் முடியும். ராசி அதிபதியான புதன், பத்தாம் இடமான தொழில் ஸ்தானத்தில் ஆட்சி பலத்துடன் உள்ளார். லாப ஸ்தானத்தில் குருவும் சுக்கிரனும் சேர்ந்துள்ளனர். இதனால், போதிய முதலீடு செய்து தொழிலை விரிவுபடுத்துவீர்கள். வருமானப் பற்றாக்குறையை அகற்ற புதிய முயற்சிகளில் ஈடுபடுவீர்கள். வரவேண்டிய பணமெல்லாம் கைக்கு வந்து சேரும். அநாவசிய செலவுகளைக் கட்டுப்படுத்துவீர்கள்.
திருமணப் பேச்சுவார்த்தைகள் சாதகமாக முடியும். சிலருக்கு மறுமணம் நடக்கவும் வாய்ப்புள்ளது. பிள்ளைகளின் உயர்கல்வி மற்றும் உத்தியோகம் குறித்து சிந்திப்பீர்கள். அரசு வழியில் உயர் பதவிகள் வகிக்கும் யோகமும் உண்டாகும். சம்பள உயர்வுடன் கூடிய இடமாற்றத்திற்கும் வாய்ப்புள்ளது. புதிய வீடு கட்டுவதற்காக வங்கிக் கடனுதவி பெற விண்ணப்பிக்கலாம்.
உறவினர்கள் உங்களை புரிந்து கொள்வார்கள். தம்பதிகளிடையே இருந்த பிணக்குகள் நீங்கும். மனைவி வழி உறவுகளால் நீங்கள் மதிக்கப்படுவீர்கள். இருப்பினும், 11.6.2026 அன்று காலை 8.16 முதல் 13.6.2026 அன்று காலை 9.25 வரை சந்திராஷ்டமம் இருப்பதால், இந்த நேரத்தில் எதையும் திட்டமிட்டுச் செய்ய இயலாது. உறவினர்களுடன் வீண் விவாதங்களைத் தவிர்ப்பது நல்லது.
இந்த வாரத்தில், பிரதோஷ நாளன்று சிவபுராணம் படிப்பது சிறப்பு. மேலும், 'பிரசன்ன ஜோதிடர்' ஐ.ஆனந்தியை செல்: 98652 20406 என்ற எண்ணில் தொடர்பு கொள்ளலாம்.
