இந்தியாவின் முன்னணி இருசக்கர வாகன தயாரிப்பு நிறுவனமான யமஹா, தனது ஸ்டைலான மற்றும் சக்திவாய்ந்த Yamaha XSR 155 பைக்கை அறிமுகப்படுத்தியுள்ளது. இந்த பைக், அதன் அசரவைக்கும் மைலேஜ் மற்றும் நவீன அம்சங்களுக்காக வாடிக்கையாளர்கள் மத்தியில் பெரும் வரவேற்பை பெற்றுள்ளது. யமஹாவின் இந்த புதிய மாடல், இளைஞர்களைக் கவரும் வகையில் கவர்ச்சிகரமான தோற்றத்துடன் வந்துள்ளது.
Yamaha XSR 155 பைக் மொத்தம் நான்கு வேரியண்ட்களில் விற்பனைக்கு வந்துள்ளது. இதன் விலைகள் மற்றும் வண்ணங்கள் பின்வருமாறு:
1. XSR 155 Metallic Blue – ரூபாய் 1 லட்சத்து 85 ஆயிரத்து 773
2. XSR 155 Vivid Red – ரூபாய் 1 லட்சத்து 89 ஆயிரத்து 624
3. XSR 155 Metallic Grey – ரூபாய் 1 லட்சத்து 94 ஆயிரத்து 137
4. XSR 155 Metallic Black and Greyish Green Metallic – ரூபாய் 1 லட்சத்து 96 ஆயிரத்து 685
460 கி.மீட்டர் மைலேஜ்: இந்த பைக்கில் 155 சிசி திறன் கொண்ட சக்திவாய்ந்த எஞ்சின் பொருத்தப்பட்டுள்ளது. இது 46 கிலோமீட்டர் மைலேஜ் வழங்கும் என தெரிவிக்கப்பட்டுள்ளது. மேலும், ஒரு முறை பெட்ரோல் நிரப்பினால் சுமார் 460 கிலோமீட்டர் தூரம் வரை பயணிக்க முடியும் என்பது இதன் சிறப்பம்சமாகும். 10 லிட்டர் கொள்ளளவு கொண்ட பெட்ரோல் டேங்க் இதில் உள்ளது.
பைக் 6 கியர்களைக் கொண்டுள்ளது. இதில் 1 கியர் கீழேவும், 5 கியர்கள் மேலேவும் இயக்க வேண்டும். இந்த பைக் 14.2 என்எம் டார்க் இழுவிசை திறனையும், 18.1 பிஎச்பி குதிரைத்திறனையும் வெளிப்படுத்தும் திறன் கொண்டது. இருக்கையின் உயரம் 810 மீட்டர் ஆகும்.
சிறப்பு அம்சங்கள்: Yamaha XSR 155 பைக்கில் அசிஸ்ட் மற்றும் ஸ்லிப்பர் கிளட்ச் வசதி, 1 சிலிண்டர், லிக்யூட் கூல்ட், 4 வால்வுகள் போன்ற நவீன தொழில்நுட்பங்கள் இடம்பெற்றுள்ளன. இது பிஎஸ்6 பாஸ் 2 பி எமிஷன் தரநிலைகளுக்கு இணங்க தயாரிக்கப்பட்டுள்ளது. பெட்ரோலில் இயங்கும் இந்த பைக், டூயல் சேனல் பிரேக்கிங் சிஸ்டம் வசதியுடன் வருகிறது. முன்பக்கத்திலும், பின்பக்கத்திலும் டிஸ்க் பிரேக்குகள் பொருத்தப்பட்டுள்ளன. மேலும், அலாய் சக்கரங்கள் பயன்படுத்தப்பட்டுள்ளன.
முன்பக்க மற்றும் பின்பக்க சக்கரங்கள் 17 இன்ச் அளவு கொண்டவை. ட்யூப்லெஸ் டயர்கள் பொருத்தப்பட்டுள்ளன. முன்பக்கத்தில் யுஎஸ்டி ஃபோர்க்ஸ் சஸ்பென்ஷன் மற்றும் பின்பக்கத்தில் ஸ்விங் ஆர்ம் சஸ்பென்ஷன் கொடுக்கப்பட்டுள்ளது. இந்த Yamaha XSR 155 பைக்கின் மொத்த எடை 137 கிலோ ஆகும்.
கூடுதல் அம்சங்கள்: இந்த பைக்கின் கிரவுண்ட் கிளியரன்ஸ் 170 மி.மீட்டர் ஆகும். ரிசர்வ் டேங்கரில் 1.6 லிட்டர் பெட்ரோல் கொள்ளளவு உள்ளது. 30 ஆயிரம் கிலோமீட்டர் அல்லது 2 வருடங்களுக்கு வாரண்டி வழங்கப்படுகிறது. எல்சிடி டிஸ்ப்ளே, ப்ளூடூத் இணைப்பு, ரியல் டைம் மைலேஜ் இண்டிகேட்டர் போன்ற வசதிகள் இதில் உள்ளன.
டிஜிட்டல் அம்சங்கள்: ஸ்பீடோமீட்டர், ஓடோமீட்டர், ப்யூல் கேஜ், டேக்கோமீட்டர், 2 ட்ரிப்மீட்டர்கள் ஆகியவை டிஜிட்டலில் காண்பிக்கப்படும். மேலும், ஸ்டாண்ட் அலாரம், கியர் இண்டிகேட்டர், லோ ஃபியூல் இண்டிகேட்டர், லோ ஆயில் இண்டிகேட்டர், ஹசார்ட் வார்னிங் இண்டிகேட்டர், ஹை பீம் இண்டிகேட்டர், எஞ்சின் டெம்பரேச்சர் இண்டிகேட்டர், மால்ஃபங்ஷன் இண்டிகேட்டர் போன்ற பல எச்சரிக்கை விளக்குகளும் இதில் இடம்பெற்றுள்ளன. கால்/எஸ்எம்எஸ் வசதியும் இதில் உள்ளது.
பாதுகாப்பு மற்றும் விளக்குகள்: செல்ஃப் ஸ்டார்ட் வசதி, சைட் ஸ்டாண்ட் எஞ்சின்/மோட்டார் கட்-ஆஃப் வசதி ஆகியவை உள்ளன. எல்இடி முகப்பு விளக்குகள், பகலில் எரியும் விளக்குகள், ஹசார்ட் வார்னிங் விளக்குகள், பாஸ் விளக்குகள்/ சிக்னல் விளக்குகள் என நவீன விளக்கு அமைப்புகள் இதில் பொருத்தப்பட்டுள்ளன.
