இந்தியாவில் மின்சார ஸ்கூட்டர்களுக்கான வரவேற்பு நாளுக்கு நாள் அதிகரித்து வரும் நிலையில், புகழ்பெற்ற யமஹா நிறுவனம் தனது புதிய Yamaha Aerox-E மின்சார ஸ்கூட்டரை இந்தியாவில் அறிமுகப்படுத்தியுள்ளது. நீண்ட நாட்களாக இந்த ஸ்கூட்டருக்காக காத்திருந்த வாடிக்கையாளர்களுக்கு இதன் அறிமுகம் பெரும் மகிழ்ச்சியை அளித்துள்ளது.
புதிதாக அறிமுகப்படுத்தப்பட்டுள்ள Yamaha Aerox-E ஸ்கூட்டரின் ஆன்-ரோடு விலை ரூபாய் 2 லட்சத்து 90 ஆயிரத்து 375 ஆகும். இந்த மின்சார ஸ்கூட்டர், அதிகபட்சமாக 9.4 கிலோவாட் ஆற்றலில் இயங்கக்கூடியது. மேலும், 48 நியூட்டன் மீட்டர் டார்க் இழுவைத்திறன் கொண்டது. இந்த ஸ்கூட்டர் நார்மல், எகோ மற்றும் பவர் என மூன்று விதமான மோட்களில் இயங்கும் வசதியுடன் வருகிறது.
இந்த Yamaha Aerox-E ஸ்கூட்டரில் 3 கிலோவாட் பேட்டரி பொருத்தப்பட்டுள்ளது. பிஎம்எஸ்எம் மோட்டார் இதில் பயன்படுத்தப்பட்டுள்ளது. ஒரு முறை முழுமையாக சார்ஜ் செய்தால், இந்த ஸ்கூட்டர் 117 கிலோமீட்டர் வரை மைலேஜ் வழங்கும் என தெரிவிக்கப்பட்டுள்ளது. இந்த ஸ்கூட்டரை முழுமையாக சார்ஜ் செய்வதற்கு சுமார் 6.20 மணி நேரம் ஆகும். இதில் 2 போர்ட்டபிள் பேட்டரிகள் பொருத்தப்பட்டுள்ளன, மேலும் போர்ட்டபிள் சார்ஜர் வசதியும் உள்ளது.
பாதுகாப்பைப் பொறுத்தவரை, இந்த ஸ்கூட்டரில் சிங்கிள் சேனல் ஏபிஎஸ் பிரேக்கிங் சிஸ்டம் பொருத்தப்பட்டுள்ளது. முன்பக்கம் மற்றும் பின்பக்கம் என இரண்டு சக்கரங்களிலும் டிஸ்க் பிரேக்குகள் கொடுக்கப்பட்டுள்ளன. அலாய் சக்கரங்கள் பயன்படுத்தப்பட்டுள்ளன. முன்பக்கம் மற்றும் பின்பக்கம் என இரண்டு சக்கரங்களும் 14 இன்ச் அளவுடையவை. ட்யூப்லெஸ் டயர்கள் இதில் இடம்பெற்றுள்ளன.
வசதிகளைப் பொறுத்தவரை, Yamaha Aerox-E இ ஸ்கூட்டர் 139 கிலோ எடை கொண்டது. இதன் பேட்டரிக்கு 3 வருடங்கள் அல்லது 30 ஆயிரம் கிலோமீட்டர் வரை வாரண்டி வழங்கப்படுகிறது. ஸ்கூட்டரில் 5 இன்ச் TFT டிஸ்ப்ளே, ப்ளூடூத் இணைப்பு வசதி, ஜிபிஎஸ் நேவிகேஷன் போன்ற நவீன வசதிகள் உள்ளன. டிஜிட்டல் முறையில் ஸ்பீடோமீட்டர், ஓடோமீட்டர், மற்றும் 2 ட்ரிப் மீட்டர்கள் ஆகியவை இடம்பெற்றுள்ளன.
மேலும், ஸ்டாண்ட் அலாரம், குறைந்த பேட்டரி இண்டிகேட்டர், ஹை பீம் இண்டிகேட்டர், கால்/எஸ்எம்எஸ் அலர்ட்ஸ், செல்ஃப் ஸ்டார்ட் வசதி, சைட் ஸ்டாண்ட் என்ஜின்/மோட்டார் கட்-ஆஃப் வசதி, மற்றும் ரிவர்ஸ் பார்க்கிங் வசதி போன்ற பல சிறப்பம்சங்களும் இந்த ஸ்கூட்டரில் கொடுக்கப்பட்டுள்ளன.
இந்த Yamaha Aerox-E ஸ்கூட்டரில் டூயல் LED முகப்பு விளக்குகள் பொருத்தப்பட்டுள்ளன. இவை பகல் நேரத்திலும் ஒளிரும் திறன் கொண்டவை. மேலும், பிரேக்/டெயில் விளக்குகள், ஹசார்ட் வார்னிங் விளக்குகள், பாஸ் விளக்குகள் ஆகியவையும் இதில் உள்ளன. இந்த ஸ்கூட்டரின் அதிகபட்ச வேகம் மணிக்கு 95 கிலோமீட்டர் ஆகும்.
இந்த மின்சார ஸ்கூட்டரில் பயன்படுத்தப்பட்டுள்ள பேட்டரி லித்தியம் அயன் பேட்டரி வகையைச் சார்ந்தது. யமஹா நிறுவனத்தின் இந்திய சந்தையில் விற்பனை செய்யப்படும் ஸ்கூட்டர்களிலேயே இதுதான் மிகவும் விலை உயர்ந்த ஸ்கூட்டராகும். இதன் ஸ்போர்ட்ஸ் தோற்றம் மிகவும் கவர்ச்சிகரமாக அமைந்துள்ளது.
