இந்தியாவில் வாட்ஸ்அப் பயனர்களின் அனுபவத்தை மேம்படுத்தும் வகையில், மெட்டா நிறுவனம் புதிய 'வாட்ஸ்அப் ப்ளஸ்' சந்தா சேவையை அறிமுகம் செய்துள்ளது. இந்த பிரீமியம் சேவையை மாதம் ரூ.79 செலுத்தி பயன்படுத்தலாம் என அறிவிக்கப்பட்டுள்ளது. முதல் மாதத்திற்கான சந்தா இலவசம் என்பது குறிப்பிடத்தக்கது.
வாட்ஸ்அப் ப்ளஸ் என்பது வெறும் செயல்பாட்டு மாற்றம் மட்டுமல்ல, இது ஒரு தனிப்பயனாக்கத் தொகுப்பாகும். சந்தாதாரர்கள் செயலியின் தோற்றத்தை மாற்ற 18 புதிய வண்ணத் தீம்களையும், 14 புதிய செயலி ஐகான் வடிவமைப்புகளையும் பெறுகிறார்கள். காட்சி அம்சங்களைத் தாண்டி, பிரத்யேக ரிங்டோன்கள் மற்றும் புதிய ஸ்டிக்கர் பேக்குகள் போன்ற சில நடைமுறை கூடுதல் அம்சங்களும் இதில் அடங்கும்.
மேலும், அரட்டைகளுக்கான பின் வரம்பு அதிகரிக்கப்பட்டுள்ளது. பயனர்கள் இப்போது ஒரே நேரத்தில் 20 அரட்டைகள் வரை பின் செய்யலாம். இந்த பிரீமியம் சேவை விருப்பத்திற்குரியது மட்டுமே. சாதாரண வாட்ஸ்அப் அழைப்புகள் மற்றும் மெசேஜ்கள் வழக்கம் போல் இலவசமாகவே செயல்படும்.
இந்த சேவையை ஆக்டிவேட் செய்ய, வாட்ஸ்அப் செட்டிங்ஸ் பகுதிக்குச் சென்று, 'Subscriptions' என்பதைத் தேர்ந்தெடுத்து, 'WhatsApp Plus' விருப்பத்தை தேர்வு செய்து, கட்டணத்தை உறுதி செய்து சேவையை ஆக்டிவேட் செய்து கொள்ளலாம்.
