நடிகைகள் குறித்து தவறான கருத்துக்களை பரப்பும் யூடியூபர்களுக்கு ஒரு முற்றுப்புள்ளி வைக்க வேண்டும் என்றும், இது தொடர்பாக முதல்வர் விஜய் உடனடியாக நடவடிக்கை எடுக்க வேண்டும் என்றும் நடிகர் விஷால் வலியுறுத்தியுள்ளார்.
சமீபத்தில் அளித்த பேட்டி ஒன்றில் நடிகர் விஷால் கூறியதாவது:
"தனுஷ் அரசியலுக்கு வரவுள்ளதாக தகவல்கள் பரவி வருகின்றன. அவர் அப்படி ஒரு முடிவை எடுத்தால், அவருக்கு எனது மனமார்ந்த வாழ்த்துகளை தெரிவித்துக் கொள்கிறேன். மக்களுக்கு சேவை செய்ய யார் வேண்டுமானாலும் அரசியலுக்கு வரலாம். ஆனால், மக்கள் சேவை என்பது அவ்வளவு எளிதான காரியம் அல்ல. தனுஷ் ஒரு சிறந்த நடிகர் மற்றும் இயக்குநர். அவர் அரசியலுக்கு வந்தால், தமிழ் சினிமா ஒரு சிறந்த நடிகரை இழக்க நேரிடும்.
எனது நண்பர் உதயநிதி, தவறாக பேசியதாக கூறி கைது செய்யப்பட்டு, பின்னர் ஜாமினில் விடுவிக்கப்பட்டார். இதேபோல், பல யூடியூபர்கள் பணத்திற்காக நடிகைகளின் தனிப்பட்ட வாழ்க்கை குறித்து தவறான தகவல்களை பரப்பி வருகின்றனர். உதயநிதி விவகாரத்தில் நடவடிக்கை எடுத்தது போல, நடிகைகள் குறித்து அவதூறாக பேசும் யூடியூபர்களுக்கும் ஒரு முற்றுப்புள்ளி வைக்க முதல்வர் விஜய் அவர்கள் உடனடியாக நடவடிக்கை எடுக்க வேண்டும்.
இயக்குநர் மிஷ்கின் என்னிடம் ஒரு கதை சொல்லி, அதில் ஹீரோவாக நடிக்க அழைத்தால் நிச்சயம் நடிப்பேன். ஆனால், ஒரு தயாரிப்பாளராக அவருடன் இணைந்து படம் தயாரிக்க மாட்டேன். அந்த சமயத்தில் சில தவறுகள் நடந்துவிட்டன. அவற்றை சரிசெய்ய முடியும். மிஷ்கின் சார் எங்கு இருந்தாலும் என்னைப் பற்றி நல்லதையே நினைப்பார். சினிமாவில் இதுபோன்ற விஷயங்கள் நடப்பது இயல்புதான்" என்று அவர் மேலும் கூறினார்.
