நடிகர் விஷால், தமிழக முதலமைச்சர் விஜய்யை நேரில் சந்தித்து வாழ்த்து தெரிவித்தார். லயோலா கல்லூரி காலத்திலிருந்தே விஜய்யை 'டார்லிங்' என்று அழைத்து வருவதாகவும், அவரது வளர்ச்சியையும் சூப்பர் ஸ்டார் ஆனதையும், தற்போது முதலமைச்சராக உயர்ந்ததையும் தான் நேரில் கண்டதாக விஷால் நெகிழ்ச்சியுடன் தெரிவித்தார்.
தனது ரசிகனாக விஜய்யை தான் இன்றும் பார்ப்பதாகவும், முதலமைச்சர் பதவியில் இருந்தாலும் அவர் மாறவில்லை என்றும் விஷால் குறிப்பிட்டார். கலைஞர், ஜெயலலிதா, ஸ்டாலின், உதயநிதி போன்ற தலைவர்களை சந்தித்த அனுபவம் தனக்கு இருந்தாலும், முதலமைச்சரை 'டார்லிங்' என்று அழைத்தது நெகிழ்ச்சியாக இருந்ததாக அவர் கூறினார்.
வழக்கமாக முதலமைச்சரை சந்திக்கும் போது வழங்கப்படும் பூங்கொத்து, பொன்னாடை போன்றவற்றை ஏற்காமல், அதற்கு பதிலாக அந்த பணத்தை கொண்டு தமிழகத்தில் உள்ள மூன்று தகுதியான, பின்தங்கிய பெண் குழந்தைகளின் கல்விக்கு முதலமைச்சர் விஜய்யின் பெயரில் விஷால் உதவி செய்துள்ளார். இந்த உதவியை முதலமைச்சர் விஜய் ஏற்றுக்கொண்டதற்கு விஷால் நன்றி தெரிவித்தார்.
அந்த சிறுமிகள் உங்களை நினைத்து பெருமைப்படுவார்கள் என்றும், உங்கள் பதவிக்காலத்தில் தமிழகம் சிறந்த நிலையை அடைய வாழ்த்துக்கள் என்றும் விஷால் தனது சமூக வலைதளப் பதிவில் குறிப்பிட்டுள்ளார்.
