தமிழக வெற்றி கழகம் தலைமையில் இணைந்த கூட்டணி கட்சிகளின் கூட்டத்தில் முதல்வர் விஜய் உரையாற்றினார். இந்த கூட்டத்தில் பேசிய விஷயங்களை வெளியே சொல்ல மாட்டேன் என்று மதிமுக பொதுச்செயலாளர் வைகோ தெரிவித்துள்ளார். தவெக தோழமைக் கட்சிகள் கூட்டத்திற்குப் பிறகு செய்தியாளர்களிடம் பேசிய வைகோ, 'ஏற்கனவே காதர் மொய்தீன் சில விஷயங்களைச் சொல்லிவிட்டார். முதல்வர் விஜய் பேசிய நிலையில், உள்ளே பேசியதை வெளியே சொல்ல மாட்டேன். இன்னும் இரண்டு நாட்களில் முதல்வர் விஜய் எல்லாவற்றையும் சொல்லிவிடுவார். அனைவரும் பார்த்துக் கொண்டே இருங்கள். கூட்டணி மிகவும் வலிமையாக இருக்கிறது' என்று கூறினார்.
முதல்வர் விஜய் தலைமையில் நடைபெற்ற இந்தக் கூட்டத்தில், கூட்டணி கட்சிகளின் முக்கிய நிர்வாகிகள் பலர் கலந்துகொண்டனர். கூட்டத்தின் முடிவில் செய்தியாளர்களைச் சந்தித்த வைகோ, கூட்டணி குறித்த தனது நம்பிக்கையை வெளிப்படுத்தினார்.
கூட்டணி கட்சிகளிடையே ஒற்றுமையும், வலிமையும் அதிகமாக இருப்பதாக வைகோ குறிப்பிட்டார். முதல்வர் விஜய் விரைவில் முக்கிய அறிவிப்புகளை வெளியிடுவார் என்றும் அவர் நம்பிக்கை தெரிவித்தார்.
தமிழக வெற்றி கழகத்தின் கூட்டணி மேலும் வலுப்பெற்று வருவதாகவும், வரவிருக்கும் தேர்தல்களில் சிறப்பான வெற்றியைப் பெறுவோம் என்றும் மதிமுக பொதுச்செயலாளர் வைகோ தெரிவித்தார்.
