தஞ்சாவூரில் நடைபெற்ற திமுக ஆர்ப்பாட்டத்தில் பேசிய இளைஞரணி செயலாளரும், அமைச்சருமான உதயநிதி ஸ்டாலின், காவிரியில் தண்ணீர் வரவில்லை என்றும், இதுகுறித்து முதலமைச்சர் விஜய் வாய் திறக்கவில்லை என்றும் விமர்சித்தார். முதலமைச்சரின் ஒரே கவலை திமுக மீது பொய் வழக்கு போடுவதுதான் என்றும் அவர் குற்றம் சாட்டினார்.
உதயநிதி ஸ்டாலினின் இந்தப் பேச்சுக்கு தமிழக வெற்றிக் கழகத்தினர் கடும் எதிர்ப்பு தெரிவித்தனர். முதலமைச்சர் விஜய்யை உதயநிதி ஸ்டாலின் இழிவாகப் பேசியதாகக் கூறி, பல்வேறு காவல்நிலையங்களில் அவர்கள் புகார் அளித்தனர்.
இதன் தொடர்ச்சியாக, சென்னையில் உள்ள உதயநிதி ஸ்டாலின் வீடு முன்பாக இன்று காலை முதலே ஏராளமான போலீசார் குவிக்கப்பட்டனர். உதயநிதி ஸ்டாலினை கைது செய்ய போலீசார் திட்டமிட்டதாகக் கூறப்படுகிறது.
இதற்கிடையில், திமுக முன்னாள் அமைச்சர்களான கே.என்.நேரு, எ.வ.வேலு, மா.சுப்பிரமணியன் ஆகியோர் உதயநிதி ஸ்டாலினைச் சந்திக்க அவரது வீட்டிற்குச் சென்றனர். ஆனால், அவர்களை போலீசார் தடுத்ததால், திமுக அமைச்சர்களுக்கும் போலீசாருக்கும் இடையே கடும் வாக்குவாதம் ஏற்பட்டது. திமுக வழக்கறிஞர்களும் வீட்டிற்குள் செல்ல முயன்றபோது அவர்களும் தடுத்து நிறுத்தப்பட்டனர்.
பின்னர், போலீசார் உதயநிதி ஸ்டாலினின் வீட்டிற்குள் நுழைந்து அவரை கைது செய்வதாகத் தெரிவித்தனர். தமிழக வெற்றிக் கழகத்தின் தஞ்சாவூர் மாவட்ட மகளிர் அணி அமைப்பாளர் பைரவி அளித்த புகாரின் பேரில், உதயநிதி ஸ்டாலின் மீது 6 பிரிவுகளில் வழக்குகள் பதிவு செய்யப்பட்டு கைது செய்யப்பட்டதாக போலீசார் தெரிவித்தனர்.
கைது செய்யப்பட்டுள்ள உதயநிதி ஸ்டாலினுக்கு ஜாமீன் பெறுவதற்காக, அவரது வழக்கறிஞர்கள் சென்னை உயர்நீதிமன்ற தலைமை நீதிபதி அமர்வில் தீவிரமாக முயற்சித்து வருகின்றனர். இந்த திடீர் கைது நடவடிக்கை அரசியல் வட்டாரத்தில் பெரும் பரபரப்பை ஏற்படுத்தியுள்ளது.
