திமுக இளைஞரணி செயலாளரும், அமைச்சருமான உதயநிதி ஸ்டாலினின் பேச்சுக்கு பாஜக மாநிலத் தலைவர் தமிழிசை சௌந்தரராஜன் கடும் கண்டனம் தெரிவித்துள்ளார். இரட்டை அர்த்தத்தில் பேசுவதுதான் திமுகவின் பிரச்சாரமா என்றும், ஏன் 'Mood' பற்றி பேசுகிறீர்கள் என்றும் அவர் கேள்வி எழுப்பியுள்ளார்.
சென்னையில் செய்தியாளர்களைச் சந்தித்த தமிழிசை, உதயநிதி ஸ்டாலினின் பேச்சைக் கடுமையாக விமர்சித்தார். 'இரட்டை அர்த்தத்தில் பேசுவதுதான் பிரச்சாரம் என்பதை திமுக மறுபடியும் மறுபடியும் நிரூபித்துக்கொண்டிருக்கிறார்கள். நீங்கள் அரசியல், ஆட்சியின் Mode-ஐப் பற்றி பேசுங்கள். ஏன் Mood-ஐப் பற்றி பேசுகிறீர்கள்? இது மிகவும் மரியாதை இல்லாத தன்மையாகவும், மோசமான வக்கிர புத்தியாகவும் போய் கொண்டிருக்கிறது' என்று அவர் குறிப்பிட்டார்.
மேலும், தமிழக அரசு மதுபானக் கடைகளை மூடுவதாகக் கூறிவிட்டு, புதிய மதுக்கூடங்களைத் திறந்து பெண்களைப் பாதிக்கும் டாஸ்மாக்கை விரிவுபடுத்துவதாக அவர் குற்றம் சாட்டினார்.
'SIR இல்லை என்றால் நீங்கள் அமைச்சராகி இருக்க முடியாது. விஜய் அவர்கள் முதலமைச்சராகி இருக்க முடியாது. கள்ள ஓட்டுகளை வைத்து திமுக மறுபடியும் வெற்றி பெற்றிருக்கும். SIR-க்கு தவெக அமைச்சர்கள் நீங்க நன்றி சொல்ல வேண்டும்' என்றும் தமிழிசை தெரிவித்தார். இந்த கருத்துக்கள் அரசியல் வட்டாரத்தில் பரபரப்பை ஏற்படுத்தியுள்ளன.
