அமெரிக்க அதிபர் டொனால்ட் டிரம்பிற்காக, கத்தார் வழங்கிய போயிங் 747-8 விமானம், சிறப்பு பாதுகாப்பு அம்சங்களுடன் கூடிய இடைக்கால ஏர் ஃபோர்ஸ் ஒன்னாக மாற்றப்பட்டுள்ளது. எல்3 ஹாரிஸ் டெக்னாலஜிஸ் நிறுவனத்தால் இந்த மேம்படுத்தல் பணிகள் மேற்கொள்ளப்பட்டுள்ளன.
இந்த அதிநவீன விமானத்தில், ரகசிய ராணுவத் தகவல் தொடர்பு வசதிகள் மற்றும் மேம்படுத்தப்பட்ட பாதுகாப்பு அம்சங்கள் பொருத்தப்பட்டுள்ளன. இது ஜூலை 4 ஆம் தேதி அமெரிக்க சுதந்திர தினத்தில் அதிகாரப்பூர்வமாக அறிமுகப்படுத்தப்படும் என அமெரிக்க விமானப்படை அறிவித்துள்ளது.
கத்தார் நாட்டின் பரிசாக கிடைத்த இந்த போயிங் 747-8 விமானத்தை, சுமார் 400 மில்லியன் டாலர் செலவில் அமெரிக்கா தனது தேவைகளுக்கு ஏற்ப நவீனப்படுத்தியுள்ளது. இந்த இடைக்கால ஏர் ஃபோர்ஸ் ஒன், அதிபர் டிரம்பின் பயணங்களுக்கு பயன்படுத்தப்பட உள்ளது.
முன்னதாக, அமெரிக்க அதிபரின் அதிகாரப்பூர்வ விமானமான ஏர் ஃபோர்ஸ் ஒன், அதன் நீண்டகால பயன்பாட்டிற்குப் பிறகு மாற்றியமைக்கப்பட வேண்டியிருந்தது. அதன் பின்னணியில், இந்த தற்காலிக ஏற்பாடு செய்யப்பட்டுள்ளது.
