தமிழக அரசியலில் பெரும் எதிர்பார்ப்பை ஏற்படுத்திய சட்டமன்றத் தேர்தலில், நமது தவெக கட்சி 108 தொகுதிகளில் மகத்தான வெற்றி பெற்றது. பெரும்பான்மை பலம் இல்லாத நிலையில், திமுக கூட்டணியில் இடம்பெற்றிருந்த காங்கிரஸ், விசிக, சிபிஐ, சிபிஎம், ஐயுஎம்எல் போன்ற கட்சிகளின் ஆதரவுடன் வெற்றிகரமாக ஆட்சி அமைக்கப்பட்டது. கடந்த மே மாதம் 10 ஆம் தேதி, நமது தளபதி விஜய் தமிழகத்தின் முதலமைச்சராகப் பதவியேற்றார்.
குறிப்பாக, மதுரை மாவட்டத்தின் சோழவந்தான் தொகுதியில், நமது தவெக வேட்பாளர் எம்வி கருப்பையா அவர்கள், திமுக வேட்பாளர் வெங்கடேசனை சுமார் 2000 வாக்குகள் வித்தியாசத்தில் வீழ்த்தி வெற்றி வாகை சூடி எம்எல்ஏ ஆனார். அவரது வெற்றிக்காக அவர் ஒரு வேண்டுதல் வைத்திருந்தார். அது என்னவென்றால், விஜய் முதல்வரானால், அங்கப்பிரதட்சணம் போல, ஜலபிரதட்சணம் செய்வதாக அவர் உறுதியளித்திருந்தார்.
தனது வேண்டுதல் நிறைவேறியதை அடுத்து, எம்எல்ஏ எம்வி கருப்பையா அவர்கள், தனது தொகுதிக்குட்பட்ட ஒரு கிணற்றில், தவெக கட்சியின் கொடியுடன் தண்ணீரில் மிதந்து தனது நேர்த்திக்கடனை நிறைவேற்றினார். இந்த நிகழ்வின் வீடியோ தற்போது இணையத்தில் காட்டுத்தீ போல பரவி, அனைவரின் கவனத்தையும் ஈர்த்து வருகிறது.
மேலும் ஒரு சுவாரஸ்யமான தகவல் என்னவென்றால், தவெக கட்சி ஆட்சி அமைந்ததும், எம்எல்ஏ எம்வி கருப்பையா அவர்கள் தற்காலிக சபாநாயகராகவும் செயல்பட்டிருக்கிறார் என்பது குறிப்பிடத்தக்கது.
