பொது இடங்களில் மாடுகளை வெட்ட தடை விதித்து சென்னை உயர்நீதிமன்றம் பிறப்பித்த உத்தரவை ரத்து செய்யக் கோரி தமிழக அரசு உச்சநீதிமன்றத்தில் மேல்முறையீடு செய்துள்ளது. இந்த உத்தரவுக்கு இடைக்காலத் தடை விதிக்க வேண்டும் என்றும் தமிழக அரசு கோரிக்கை விடுத்துள்ளது.
மாநிலம் முழுவதும் பொது இடங்களில் கால்நடைகளை வெட்டுவதற்கு தடை விதித்து சென்னை உயர்நீதிமன்றம் அண்மையில் உத்தரவிட்டது. இந்த உத்தரவு பல்வேறு தரப்பினரிடையே அதிர்வுகளை ஏற்படுத்தியது.
இந்நிலையில், சென்னை உயர்நீதிமன்றத்தின் இந்த உத்தரவை எதிர்த்து தமிழக அரசு உச்சநீதிமன்றத்தில் மனு தாக்கல் செய்துள்ளது. பொது இடங்களில் மாடு வெட்டுவதற்கு விதிக்கப்பட்ட தடையை ரத்து செய்ய வேண்டும் என்றும், இந்த தடையை உடனடியாக அமல்படுத்தாமல் இருக்க இடைக்கால உத்தரவு பிறப்பிக்க வேண்டும் என்றும் தமிழக அரசு தனது மனுவில் வலியுறுத்தியுள்ளது.
உச்சநீதிமன்றத்தில் இந்த வழக்கு விசாரணைக்கு வரும்போது, தமிழக அரசின் கோரிக்கையை ஏற்று, உயர்நீதிமன்றத்தின் உத்தரவுக்கு இடைக்கால தடை விதிக்கப்படுமா அல்லது உத்தரவை ரத்து செய்யுமா என்ற எதிர்பார்ப்பு எழுந்துள்ளது.
