சிவகார்த்திகேயனின் தயாரிப்பில் ராதிகா சரத்குமார் முக்கிய கதாபாத்திரத்தில் நடித்திருக்கும் புதிய திரைப்படம் 'தாய் கிழவி'. அறிமுக இயக்குநரான சிவகுமார் முருகேசன் இப்படத்தை இயக்கியுள்ளார்.
நிவாஸ் கே. பிரசன்னா இசையமைப்பில் உருவான இப்படத்தில் சிங்கம் புலி, அருள்தாஸ், பாலசரவணன், முனிஷ்காந்த், இளவரசு போன்ற பலரும் முக்கிய கதாபாத்திரங்களில் நடித்துள்ளனர்.
கடந்த பிப்ரவரி 27 அன்று வெளியாகி, 75 நாட்களுக்கும் மேலாக திரையரங்குகளில் வெற்றிகரமாக ஓடி, 'தாய் கிழவி' திரைப்படம் ஒரு பெரிய சாதனையைப் படைத்துள்ளது. திரையரங்குகளில் மட்டுமல்லாமல், ஓடிடி தளத்திலும் இப்படத்திற்கு ரசிகர்கள் மத்தியில் நல்ல வரவேற்பு கிடைத்தது.
தற்போது, இப்படம் உலகளவில் ஈட்டிய வசூல் குறித்த அதிகாரப்பூர்வ அறிவிப்பு வெளியாகி உள்ளது. அதன்படி, 'தாய் கிழவி' திரைப்படம் 75 நாட்களில் உலகமெங்கும் ரூ.90 கோடிக்கும் அதிகமான தொகையை வசூலித்து, மாபெரும் வெற்றிப் படமாக சாதனை படைத்துள்ளது. ரசிகர்களின் அமோக ஆதரவுடன் இப்படம் ஒரு மெகா பிளாக்பஸ்டராக மாறியுள்ளது.
