டாடா மோட்டார்ஸ் நிறுவனம், எலக்ட்ரிக் கார் வாங்க நினைப்பவர்களுக்கு ஒரு குட் நியூஸ் அறிவித்துள்ளது. இந்த ஜூன் 2026 மாதத்தில், டாடா நிறுவனத்தின் பிரபலமான எலக்ட்ரிக் கார்களுக்கு ரூ.3.35 லட்சம் வரை அதிரடி தள்ளுபடிகள் வழங்கப்படுகின்றன. கிரீன் போனஸ், எக்ஸ்சேஞ்ச் பெனிஃபிட், ஸ்கிராப்பேஜ் ஆஃபர், லாயல்டி போனஸ் மற்றும் கூடுதல் சலுகைகள் என பல்வேறு வடிவங்களில் இந்த நன்மைகள் கிடைக்கின்றன. குறிப்பாக Curvv EV, Harrier EV, Punch EV, Tiago EV மற்றும் Nexon EV போன்ற மாடல்களில் கவர்ச்சிகரமான சலுகைகள் அறிவிக்கப்பட்டுள்ளன.
டாடா Curvv EV மாடலில் அதிகபட்ச தள்ளுபடி வழங்கப்படுகிறது. தேர்ந்தெடுக்கப்பட்ட நான்-எக்ஸ் வேரியண்ட்களில் ரூ.3.35 லட்சம் வரை சலுகைகள் உள்ளன. இதில் ரூ.3 லட்சம் கிரீன் போனஸ் மற்றும் ரூ.30,000 எக்ஸ்சேஞ்ச் பெனிஃபிட் அல்லது ரூ.35,000 ஸ்கிராப்பேஜ் பெனிஃபிட் ஆகியவை அடங்கும். கிரியேட்டிவ் வேரியண்ட்களில் ரூ.2.85 லட்சம் வரையிலும், Curvv EV X வேரியண்ட்களில் ரூ.65,000 வரையிலும் சலுகைகள் கிடைக்கின்றன.
டாடா Harrier EV-யின் அனைத்து வேரியண்ட்களிலும் ரூ.2.75 லட்சம் வரை தள்ளுபடிகள் அறிவிக்கப்பட்டுள்ளன. இதில் ரூ.50,000 எக்ஸ்சேஞ்ச் போனஸ் அல்லது ரூ.75,000 ஸ்கிராப்பேஜ் பெனிஃபிட், ரூ.1 லட்சம் லாயல்டி போனஸ் மற்றும் கூடுதலாக ரூ.1 லட்சம் சலுகை ஆகியவை அடங்கும். டாடா Punch EV வேரியண்ட்களில் ரூ.95,000 முதல் ரூ.1.45 லட்சம் வரை தள்ளுபடிகள் கிடைக்கின்றன. லாங் ரேஞ்ச் வேரியண்ட்களில் அதிகபட்சமாக ரூ.1.45 லட்சம் சலுகை உள்ளது.
Tiago EV-யில் ரூ.65,000 முதல் ரூ.1.45 லட்சம் வரை தள்ளுபடிகள் வழங்கப்படுகின்றன. LR XT வேரியண்ட்டில் அதிகபட்சமாக ரூ.1.45 லட்சம் வரை சலுகை கிடைக்கிறது. டாடா Nexon EV தொடரில் ரூ.50,000 வரை தள்ளுபடி கிடைக்கிறது. இந்த சிறப்பு சலுகைகள் ஜூன் மாத இறுதி வரை மட்டுமே செல்லுபடியாகும். நகரத்தைப் பொறுத்து தள்ளுபடிகள் மாறுபடலாம் என்பதால், வாங்குவதற்கு முன் அருகிலுள்ள டாடா டீலர்ஷிப்பைத் தொடர்புகொண்டு முழு விவரங்களையும் தெரிந்துகொள்வது நல்லது. எலக்ட்ரிக் கார் வாங்க இது ஒரு பொன்னான வாய்ப்பு என சந்தை வட்டாரங்கள் தெரிவிக்கின்றன.
