சென்னை: பிரபல திரைப்பட தயாரிப்பாளர் கே.ராஜன், வயது 85, சென்னையில் உள்ள அடையாறு ஆற்றில் குதித்து தற்கொலை செய்து கொண்ட சம்பவம் திரையுலகினரை அதிர்ச்சியில் ஆழ்த்தியுள்ளது.
சம்பவம் குறித்து மேலும் விவரமறியும் போது, கே.ராஜன் தனது காரில் சென்று கொண்டிருந்தபோது, திடீரென ஓட்டுநரை காரை நிறுத்தச் சொல்லிவிட்டு ஆற்றில் குதித்துள்ளார். இதுகுறித்து தகவல் அறிந்த தீயணைப்புத் துறையினர் சம்பவ இடத்திற்கு விரைந்து வந்து, அவரது உடலை மீட்டனர். மீட்கப்பட்ட உடல் பிரேத பரிசோதனைக்காக மருத்துவமனைக்கு அனுப்பி வைக்கப்பட்டுள்ளது.
கே.ராஜன் தமிழ் சினிமாவில் பல வெற்றிப் படங்களைத் தயாரித்தவர். மேலும், இவர் ஒரு இயக்குநராகவும், 18 படங்களில் நடித்துள்ளார். நடிகர் அஜித்குமார் நடித்த 'துணிவு' படத்திலும் இவர் நடித்திருந்தது குறிப்பிடத்தக்கது. சினிமா நிகழ்வுகளில் இவர் தொடர்ந்து பங்கேற்று, தனது வெளிப்படையான கருத்துக்களால் பரவலாக கவனிக்கப்பட்டவர்.
பலராலும் அறியப்பட்ட ஒரு சினிமா ஆளுமையான கே.ராஜனின் திடீர் தற்கொலை, திரையுலகிலும் ரசிகர்கள் மத்தியிலும் பெரும் சோகத்தை ஏற்படுத்தியுள்ளது. அவரது இந்த விபரீத முடிவு பல்வேறு கேள்விகளை எழுப்பியுள்ளதுடன், இதுகுறித்து காவல்துறையினர் தீவிர விசாரணை மேற்கொண்டு வருகின்றனர்.
