இந்திய கிரிக்கெட் ஜாம்பவான்களான வீரேந்தர் சேவாக் மற்றும் ராகுல் டிராவிட்டின் மகன்கள், ஆஸ்திரேலியாவுக்கு எதிரான அண்டர் 19 ஒருநாள் தொடருக்கான இந்திய அணியில் இடம்பிடித்துள்ளது கிரிக்கெட் வட்டாரத்தில் பெரும் எதிர்பார்ப்பை ஏற்படுத்தியுள்ளது. இந்த இளம் வீரர்கள் செப்டம்பர் 18 அன்று தொடங்கும் தொடரில் இந்தியாவிற்காக விளையாட உள்ளனர்.
இந்த கிரிக்கெட் தொடரானது மூன்று ஒருநாள் போட்டிகள் மற்றும் இரண்டு மல்டி-டே போட்டிகளைக் கொண்டுள்ளது. இந்திய கிரிக்கெட் கட்டுப்பாட்டு வாரியம் (பிசிசிஐ) இந்தத் தொடருக்கான இந்திய அணியை அறிவித்துள்ளது. ஒருநாள் மற்றும் மல்டி-டே போட்டிகளுக்கு தனித்தனி அணிகள் அறிவிக்கப்பட்டுள்ளன.
வீரேந்தர் சேவாக்கின் 18 வயது மகன் ஆர்யவீர் சேவாக் மற்றும் ராகுல் டிராவிட்டின் 17 வயது மகன் அன்வே டிராவிட் ஆகியோர் ஒருநாள் போட்டிக்கான அணியில் மட்டுமே தேர்வு செய்யப்பட்டுள்ளனர். இதன் மூலம், இருவரும் ஒரே அணியில் இணைந்து விளையாடும் அரிய வாய்ப்பு உருவாகியுள்ளது. இது கிரிக்கெட் ரசிகர்களிடையே பெரும் உற்சாகத்தை அளித்துள்ளது.
டெல்லி பிரீமியர் லீக்கில் விளையாடி வரும் ஆர்யவீர் சேவாக்கிற்கு, இந்திய அணியில் இதுவே முதல் முறையாகும். விக்கெட் கீப்பர் பேட்ஸ்மேனான அன்வே டிராவிட், கடந்த மாதம் இலங்கைக்குச் சுற்றுப்பயணம் மேற்கொண்ட இந்திய அணியில் சிறப்பாக விளையாடி, 14 மற்றும் 87 ரன்கள் குவித்து தனது திறமையை வெளிப்படுத்தியுள்ளார். இதன் மூலம் அவர் தனது இடத்தைத் தக்கவைத்துக் கொண்டுள்ளார்.
இந்த ஒருநாள் தொடருக்கான இந்திய அணிக்கு லக்ஷ்யா ராய்ச்சந்தானி கேப்டனாகவும், யஷ்பர்தன் சிங் சவுகான் துணை கேப்டனாகவும் நியமிக்கப்பட்டுள்ளனர். மல்டி-டே போட்டிகளுக்கு யஷ்பர்தன் சவுகான் கேப்டனாகவும், லக்ஷ்யா ராய்ச்சந்தானி துணை கேப்டனாகவும் செயல்படுவார்கள். இந்த அணிகள் ராஜ்கோட் மற்றும் அகமதாபாத் மைதானங்களில் விளையாட உள்ளன.
மூன்று ஒருநாள் போட்டிகள் மற்றும் முதல் மல்டி-டே போட்டி ராஜ்கோட்டிலும், இரண்டாவது மல்டி-டே போட்டி அகமதாபாத்திலும் நடைபெறவுள்ளன. ஒரே காலத்தில் இந்திய கிரிக்கெட்டில் ஜாம்பவான்களாக விளங்கிய வீரேந்தர் சேவாக் மற்றும் ராகுல் டிராவிட் ஆகியோரின் மகன்கள் இந்திய அணிக்காக ஒன்றாக களம் இறங்கவுள்ளது கிரிக்கெட் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.
இந்திய அண்டர்-19 ஒருநாள் போட்டி அணி விவரம்: லக்ஷ்யா ராய்ச்சந்தானி (கேப்டன்), யஷ்பர்தன் சவுகான் (துணை கேப்டன்), ரஜத் பாகல் (விக்கெட் கீப்பர்), ஆர்யவீர் சேவாக், வி.கே. வினீத், குஷாக்ரா ஓஜா, அர்ஜுன் ராஜ்புத், மனல் சவுகான், அன்வே டிராவிட் (விக்கெட் கீப்பர்), வி. யஷ்வீர், ரோஹித் யாதவ், ஷாவின் வினோத், மோஹித் உல்வா, சிகுருபதி வெங்கடா, காவ்யா படேல்.
இந்திய அண்டர்-19 மல்டி-டே போட்டி அணி விவரம்: யஷ்பர்தன் சவுகான் (கேப்டன்), லக்ஷ்யா ராய்ச்சந்தானி (துணை கேப்டன்), சாகர் விர்க், குஷாக்ரா ஓஜா, மனல் சவுகான், குஷ் படேல், மானவ் கிருஷ்ணா (விக்கெட் கீப்பர்), அபிப்ராய் பிஸ்வாஸ் (விக்கெட் கீப்பர்), ரோஹித் யாதவ், இஷான் ஓம், அயான் அக்ரம், பிரணவ் ராகவேந்திரா, பிரியான்ஷு சிங், மோஹித் உல்வா, ஆர்யன் யாதவ்.
போட்டி அட்டவணை: முதலாவது ஒருநாள் போட்டி செப்டம்பர் 18, 2026 அன்று ராஜ்கோட்டிலும், இரண்டாவது ஒருநாள் போட்டி செப்டம்பர் 21, 2026 அன்று ராஜ்கோட்டிலும், மூன்றாவது ஒருநாள் போட்டி செப்டம்பர் 23, 2026 அன்று ராஜ்கோட்டிலும் நடைபெறவுள்ளன. முதல் மல்டி-டே போட்டி செப்டம்பர் 27 முதல் 30 வரை, 2026 வரை ராஜ்கோட்டிலும், இரண்டாவது மல்டி-டே போட்டி அக்டோபர் 5 முதல் 8 வரை, 2026 வரை அகமதாபாத்திலும் நடைபெறவுள்ளன.
