ஜோதிடம் பார்க்கும் போது ராசியை பார்ப்பதா அல்லது லக்னத்தை பார்ப்பதா என்பதில் பலருக்கும் ஒரு குழப்பம் நிலவுகிறது. ராசி என்பது சந்திரனை மையப்படுத்தியது, இது புத்திசாலித்தனத்தை குறிக்கிறது. சந்திரன் இருக்கும் ராசி கட்டமே ராசி எனப்படுகிறது. சந்திரன் ரிஷபத்தில் உச்சமாகவும், விருச்சிகத்தில் ஒளி குறைந்தும் காணப்படும். சூரியன் இருக்கும் இடத்தை பொறுத்து பௌர்ணமி அல்லது அமாவாசை என ஒளியின் தன்மை மாறும். சந்திரன் கடகத்தில் இருக்கும்போது அதன் ஈர்ப்பு விசை அதிகமாக இருக்கும்.
லக்னம் என்பது சூரியனை மையப்படுத்தியது, இது விதியை குறிக்கிறது. சித்திரையில் சூரியன் மேஷத்தில் இருக்கும் போது, சூரிய உதய காலத்தில் முதல் 2 மணி நேரம் மேஷ லக்னமாகவும், அடுத்த 2 மணி நேரம் ரிஷப லக்னமாகவும் என 24 மணி நேரத்தில் 12 ராசி கட்டங்களுக்கு லக்னம் மாறிக்கொண்டே இருக்கும். எளிமையாக சொன்னால், நாம் பிறந்த நேரத்தில் கிழக்கு வானில் உதித்த ராசிதான் லக்னம். இது நமது ஆளுமை, தோற்றம், குணம் மற்றும் வாழ்க்கைப் பாதையை தீர்மானிக்கும் அஸ்திவாரம் ஆகும்.
ராசி என்பது மனதை குறிக்கிறது. சந்திரன் நின்ற ராசியே ராசி. இது மனநிலை, எண்ணங்கள் மற்றும் உணர்ச்சிகளை பிரதிபலிக்கிறது. அன்றாட கோட்சார பலன்களை அறிய ராசி முக்கியம். நட்சத்திரம் என்பது வாழ்க்கை முறையை குறிக்கிறது. இது தசா புத்தி வரிசையை தீர்மானித்து, வாழ்வில் என்ன நடக்கும் என்பதை முடிவு செய்கிறது. சுப காரியங்கள் மற்றும் திருமணப் பொருத்தம் பார்க்க நட்சத்திரம் முக்கியமானது.
முடிவாக, லக்னம் என்பது வேர், ராசி என்பது கிளை, நட்சத்திரம் என்பது கனி. இம்மூன்றும் சரியாக அமைந்தால் வாழ்க்கை இனிக்கும். மேஷம், கடகம், துலாம், மகரம் சர ராசிகள். ரிஷபம், சிம்மம், விருச்சிகம், கும்பம் ஸ்திர ராசிகள். மிதுனம், கன்னி, தனுசு, மீனம் உபய ராசிகள். நெருப்பு, நிலம், காற்று, நீர் என ராசிகள் பிரிக்கப்பட்டுள்ளன. மேலும், மேஷம் முதல் கும்பம் வரை ஆண் ராசிகள் என்றும், ரிஷபம் முதல் மீனம் வரை பெண் ராசிகள் என்றும் வகைப்படுத்தப்பட்டுள்ளன.
