பெண்களுக்கு ஏற்ற Okinawa Ridge 100 இ-ஸ்கூட்டர்: அசத்தும் மைலேஜ்!

இந்தியாவில் மின்சார வாகனங்களின் பயன்பாடு அதிகரித்து வரும் நிலையில், Okinawa நிறுவனம் தனது புதிய Ridge 100 இ-ஸ்கூட்டரை அறிமுகப்படுத்தியுள்ளது. பெண்களைக் கவரும் வகையில் வடிவமைக்கப்பட்டுள்ள இந்த ஸ்கூட்டர், ஒருமுறை சார்ஜ் செய்தால் 149 கி.மீட்டர் வரை மைலேஜ் தரும் என உறுதியளிக்கிறது.

Okinawa Ridge 100 இ-ஸ்கூட்டரின் ஒரே வேரியண்ட் விலை ரூபாய் 1 லட்சத்து 22 ஆயிரத்து 351 ஆகும். இதில் 3.12 கிலோவாட் லித்தியம் அயர்ன் பேட்டரி பொருத்தப்பட்டுள்ளது. இந்த பேட்டரி போர்ட்டபிள் வகையைச் சார்ந்தது மற்றும் ஐபி 65 ரேட்டிங் கொண்டது. ஸ்கூட்டரை முழுமையாக சார்ஜ் செய்ய 5 முதல் 6 மணி நேரம் ஆகும். இதில் எகோ மற்றும் ஸ்போர்ட் என இரண்டு மோடுகள் உள்ளன. பிஎல்டிசி மோட்டார் பொருத்தப்பட்டுள்ளதுடன், அதிகபட்சமாக மணிக்கு 50 கி.மீட்டர் வேகத்தில் பயணிக்க முடியும்.

பாதுகாப்பிற்காக, இ ஏபிஎஸ் பிரேக்கிங் சிஸ்டம், முன்புறம் மற்றும் பின்புறம் ட்ரம் பிரேக்குகள், அலாய் சக்கரங்கள் (10 இன்ச்) மற்றும் ட்யூப்லெஸ் டயர்கள் பொருத்தப்பட்டுள்ளன. ஹைட்ராலிக் டெலிஸ்கோபிக் சஸ்பென்ஷன் முன்புறத்திலும், டபுள் ஷாக்கர் வித் ட்யூயல் ட்யூப் டெக்னாலஜி சஸ்பென்ஷன் பின்புறத்திலும் கொடுக்கப்பட்டுள்ளது. 160 மி.மீ கிரவுண்ட் கிளியரன்ஸ் மற்றும் 150 கிலோ எடை தாங்கும் திறன் கொண்டது. மேலும், பேட்டரிக்கு 3 வருடம் அல்லது 30 ஆயிரம் கி.மீட்டர் வரையும், மோட்டாருக்கு 3 வருடங்களும் வாரண்டி வழங்கப்படுகிறது.

இந்த இ-ஸ்கூட்டரில் டிஜிட்டல் டிஸ்ப்ளே, ப்ளூடூத் வசதி, ஜிபிஎஸ் நேவிகேஷன், டிஜிட்டல் ஸ்பீடோமீட்டர், ட்ரிப் மீட்டர், ஸ்டாண்ட் அலாரம், லோ பேட்டரி இண்டிகேட்டர், ஹசார்ட் வார்னிங் இண்டிகேட்டர், கால்/எஸ்எம்எஸ் அலர்ட், நேரம் பார்க்கும் வசதி, செல்ஃப் ஸ்டார்ட், ரிவர்ஸ் மோட், பார்க்கிங் அசிஸ்ட், ஸ்டார்ட்/ஸ்டாப் பட்டன், பேட்டரி ஸ்டேட்டஸ், லைவ் சார்ஜிங் ஸ்டேட்டஸ் போன்ற நவீன வசதிகள் இடம்பெற்றுள்ளன. ஹாலோஜன் முகப்பு விளக்குகள், பிரேக்/டெயில் விளக்குகள், சிக்னல் விளக்குகள் மற்றும் பில்லியன் சீட் வசதியும் கொடுக்கப்பட்டுள்ளது.

Author

Fernandez

Senior Reporter

Fernandaz – MDTV 24x7 News நிறுவனத்தின் Senior Reporter மற்றும் General News Writer ஆக பணியாற்றி வருகிறார். அரசியல், சமூக நிகழ்வுகள், மக்கள் பிரச்சினைகள் மற்றும் முக்கிய நடப்பு செய்திகளை துல்லியமாகவும் விரைவாகவும் மக்களிடம் கொண்டு சேர்ப்பதில் அனுபவம் பெற்றவர். நம்பகமான தகவல்களை தரமான செய்திகளாக வழங்கும் நோக்கத்துடன் செய்தித்துறையில் தொடர்ந்து செயல்பட்டு வருகிறார்.