மின்சார இரு சக்கர வாகனங்களின் பயன்பாடு அதிகரித்து வரும் நிலையில், Okinawa நிறுவனத்தின் OKHI-90 இ-ஸ்கூட்டர் வாடிக்கையாளர்களைக் கவர்ந்துள்ளது. ஒரே ஒரு வேரியண்ட்டில் மட்டும் கிடைக்கும் இந்த ஸ்கூட்டரின் விலை ரூபாய் 1 லட்சத்து 58 ஆயிரத்து 537 ஆகும். இதை முழுமையாக சார்ஜ் செய்ய 5 முதல் 6 மணி நேரம் ஆகிறது. மேலும், இதில் யுஎஸ்பி சார்ஜிங் போர்ட் வசதியும் உள்ளது.
இந்த Okinawa OKHI-90 இ-ஸ்கூட்டர் ஒரு முறை சார்ஜ் செய்தால் 160 கிலோமீட்டர் வரை மைலேஜ் அளிக்கும் திறன் கொண்டது. அதிகபட்சமாக மணிக்கு 90 கிலோமீட்டர் வேகத்தில் இது செல்லும். வெள்ளை, சாம்பல், கருநீலம் மற்றும் சிவப்பு ஆகிய வண்ணங்களில் இது கிடைக்கிறது. எகோ மற்றும் ஸ்போர்ட் மோட்களில் இயங்கும் இந்த ஸ்கூட்டரில் 3.6 கிலோவாட் பேட்டரி பொருத்தப்பட்டுள்ளது.
ஃபாஸ்ட் சார்ஜிங் வசதி, 1 போர்ட்டபிள் பேட்டரி, லித்தியம் அயன் பேட்டரி, ஐபி65 பேட்டரி ரேட்டிங், இ ஏபிஎஸ் பிரேக்கிங் சிஸ்டம், முன்பக்கம் மற்றும் பின்பக்கம் டிஸ்க் பிரேக், அலாய் சக்கரங்கள் போன்ற பல வசதிகளும் இதில் உள்ளன. முன்பக்கம் மற்றும் பின்பக்கம் 16 இன்ச் சக்கரங்கள், ட்யூப்லெஸ் டயர்கள் பொருத்தப்பட்டுள்ளன. கிரவுண்ட் கிளியரன்ஸ் 175 மி.மீட்டர் ஆகும்.
இந்த ஸ்கூட்டருக்கு 3 வருட அல்லது 30 ஆயிரம் கிலோமீட்டர் வரை பேட்டரி வாரண்டியும், 3 வருட மோட்டார் வாரண்டியும் வழங்கப்படுகிறது. டிஜிட்டல் டிஸ்ப்ளே, மொபைல் போனில் ப்ளூடூத் கனெக்ஷன், ஜிபிஎஸ் நேவிகேஷன், ஸ்பீடோமீட்டர், ஓடோமீட்டர், ட்ரிப்மீட்டர், ஸ்டாண்ட் அலாரம், லோ பேட்டரி இண்டிகேட்டர், ஹசார்ட் வார்னிங் இண்டிகேட்டர், கால்/எஸ்எம்எஸ் அலர்ட், நேரம் பார்க்கும் வசதி, யுஎஸ்பி சார்ஜிங் போர்ட், கீலெஸ் லாக்/அன்லாக், செல்ஃப் ஸ்டார்ட், ஆன்டி தெஃப்ட் சிஸ்டம், ரிவர்ஸ் மோட், ஸ்டார்ட்/ஸ்டாப் பட்டன், பேட்டரி ஸ்டேட்டஸ், லைவ் சார்ஜிங் ஸ்டேட்டஸ் போன்ற நவீன வசதிகளும் இதில் அடங்கும். எல்இடி முகப்பு விளக்குகள், பூட் லைட், பகலில் எரியும் விளக்குகள், பிரேக்/டெயில் விளக்குகள் என அனைத்தும் எல்இடி ஆகும்.
