புனித மெக்கா நகருக்கு ஆன்மீக பயணம் மேற்கொண்டுள்ள மதுரை மத்திய தொகுதி தவெக சட்டமன்ற உறுப்பினர் முஸ்தபா, தமிழக முதலமைச்சர் விஜய்க்காக சிறப்பு பிரார்த்தனை செய்துள்ளார். முதலமைச்சர் விஜய் நீண்ட ஆயுள், நல்ல ஆரோக்கியம் மற்றும் மன அமைதியுடன் வாழ வேண்டும் என்றும், அவர் தலைமையிலான ஆட்சி சிறப்பாக நடைபெற வேண்டும் என்றும் இறைவனிடம் அவர் வேண்டிக்கொண்டார்.
மெக்காவில் உள்ள இறை இல்லத்தில் மொட்டை அடித்து பிரார்த்தனை செய்த அவர், இதுகுறித்து வீடியோ ஒன்றையும் வெளியிட்டுள்ளார். அந்த வீடியோவில், 'இந்தியாவில் வாழும் அனைத்து மக்களிடையேயும் சாந்தியும், சமாதானமும் நிலவ வேண்டும். தமிழகத்தில் முதலமைச்சர் விஜய் தலைமையிலான ஆட்சி சிறப்பாக நடைபெற வேண்டும்' என்று இறைவனிடம் வேண்டிக்கொண்டதாகத் தெரிவித்தார்.
மேலும், ஏழை, எளிய மற்றும் சாமானிய மக்களின் நலனைக் கருத்தில் கொண்டு, 'பிறப்பொக்கும் எல்லா உயிர்க்கும்' என்ற அடிப்படையில் ஆட்சி நடத்தி வரும் முதலமைச்சர் விஜய், தொடர்ந்து பல்வேறு மக்கள் நலத்திட்டங்களைச் செயல்படுத்தி, இன்னும் பல ஆண்டுகள் மக்களுக்கான பணிகளை ஆற்ற வேண்டும் என்றும் அவர் குறிப்பிட்டுள்ளார்.
முதலமைச்சர் விஜய்க்கு நீண்ட ஆயுளும், உடல் ஆரோக்கியமும், மன அமைதியும் கிடைத்து, மக்கள் நலனுக்காக பல சாதனைகளை படைக்க ஏக இறைவன் அருள்புரிய வேண்டும் என்று பிரார்த்தனை செய்ததாக அவர் மேலும் தெரிவித்துள்ளார். உலகம் முழுவதும் சாந்தியும் சமாதானமும் நிலவ வேண்டும் என்றும் அவர் தனது வீடியோவில் வேண்டுகோள் விடுத்துள்ளார்.
தவெக சட்டமன்ற உறுப்பினர் முஸ்தபாவின் இந்த செயல் நெகிழ்ச்சியை ஏற்படுத்தியுள்ளது. முதலமைச்சரின் நலனுக்காக அவர் மேற்கொண்ட இந்த ஆன்மீக பயணம் பலரது கவனத்தையும் ஈர்த்துள்ளது.
முதலமைச்சர் விஜய்யின் மக்கள் நலப் பணிகளைப் பாராட்டியும், அவரது நீண்ட ஆயுளுக்காகவும் அவர் பிரார்த்தனை செய்தது, அரசியல் வட்டாரங்களில் பரவலாகப் பேசப்படுகிறது. இது போன்ற செயல்கள், அரசியல் தலைவர்களிடையே நல்லிணக்கத்தையும், பரஸ்பர மரியாதையையும் வெளிப்படுத்துவதாக அமைந்துள்ளது.
