புதிய சொத்துக்கள் சேரக்கூடிய வாரமாக மேஷ ராசிக்காரர்களுக்கு இந்த வாரம் அமைந்துள்ளது. ராசியின் இரண்டாம் மற்றும் ஏழாம் அதிபதியான சுக்கிரன், சுகஸ்தானமான நான்காம் இடத்தில் குருவுடன் இணைந்துள்ளார். இந்த கிரக சேர்க்கையை ராசி அதிபதி செவ்வாய் பார்ப்பது குருமங்கள யோகத்தை அளிக்கிறது.
வீடு மற்றும் வாகன பராமரிப்புக்கான செலவுகள் சற்று அதிகரிக்கக்கூடும். இருப்பினும், சிலருக்கு வருமானம் ஈட்டித் தரும் புதிய சொத்துக்கள் சேர வாய்ப்புள்ளது. எதிர்பார்த்த விலைக்கு பழைய சொத்துக்களை விற்பனை செய்வதிலும் வெற்றி காண்பீர்கள். பொன், பொருள் மீதுள்ள ஆசையை விட புகழ் மற்றும் பதவி மீது அதிக நாட்டம் கொள்வீர்கள். ராணுவம், காவல்துறை, சட்டம் மற்றும் அரசியல் போன்ற துறைகளில் உயர் பதவிகள் சிலருக்கு தேடி வரும். சமூகத்தில் உங்கள் மதிப்பும் மரியாதையும் உயரும். எதிர்ப்புகள் விலகி, எதிரிகளின் பலம் மற்றும் பலவீனத்தை அறிந்து செயல்படுவீர்கள்.
பிள்ளைகளால் குடும்ப வருமானம் உயரக்கூடும். கடன் பிரச்சனைகளில் இருந்து விடுபட நீங்கள் ஓயாமல் உழைப்பீர்கள். உங்களை நம்பி பெரிய பொறுப்புகள் ஒப்படைக்கப்படும். குலதெய்வம், குடும்ப தெய்வம் மற்றும் இஷ்ட தெய்வ பிரார்த்தனைகளை நிறைவேற்ற இது உகந்த காலமாகும். உயர்கல்விக்கான முயற்சிகள் கைகூடும். கலைத்துறையினரின் திறமைகள் வெளிப்படும். குருவின் பார்வையால் திருமணத் தடைகள் நீங்கும். கிருத்திகை விரதம் இருந்து முருகனை வழிபடுவது சிறப்பு.
'பிரசன்ன ஜோதிடர்' ஐ.ஆனந்தி இந்த வார ராசிபலன்களை கணித்துள்ளார். மேலும் தகவல்களுக்கு அவரை 98652 20406 என்ற எண்ணில் தொடர்பு கொள்ளலாம்.
