இந்தியாவின் முன்னணி கார் தயாரிப்பு நிறுவனமான மஹிந்திரா, தனது புதிய மின்சார காரான Mahindra BE 6 Sporteq-ஐ இன்று அறிமுகப்படுத்தியுள்ளது. மின்சார வாகனங்களின் பயன்பாடு அதிகரித்து வரும் நிலையில், மஹிந்திரா இந்த புதிய மாடலில் மிகுந்த கவனம் செலுத்தியுள்ளது. இந்த புதிய மின்சார கார், வாடிக்கையாளர்களிடையே பெரும் எதிர்பார்ப்பை ஏற்படுத்தியிருந்தது.
Mahindra BE 6 Sporteq கார், 59 கிலோவாட் மற்றும் 79 கிலோவாட் என இரண்டு விதமான பேட்டரி தேர்வுகளில் கிடைக்கிறது. இதன் ஆரம்ப விலை ரூபாய் 11.45 லட்சத்தில் இருந்து தொடங்குகிறது. மேலும், இதன் டாப் வேரியண்ட்டின் விலை ரூபாய் 26.95 லட்சம் வரை செல்கிறது. பல்வேறு வேரியண்ட்களுக்கான விலைகள் பின்வருமாறு:
1. ONE – 59 kWh – ரூபாய் 11.45 லட்சம்
2. ONE – 59 kWh – ரூபாய் 19.45 லட்சம்
3. TWO – 59 kWh – ரூபாய் 12.95 லட்சம்
4. TWO – 59 kWh – ரூபாய் 20.95 லட்சம்
5. THREE – 59 kWh – ரூபாய் 21.95 லட்சம்
6. THREE – 70 kWh – ரூபாய் 22.95 லட்சம்
7. THREE+ – 70 kWh – ரூபாய் 23.95 லட்சம்
8. THREE+ – 79 kWh – ரூபாய் 24.95 லட்சம்
9. FOUR – 79 kWh – ரூபாய் 26.95 லட்சம்
10. Launch Edition – 79 kWh – ரூபாய் 24.46 லட்சம்
11. FE – 79 kWh – ரூபாய் 24.45 லட்சம்
12. FE FOUR – 79 kWh – ரூபாய் 26.95 லட்சம்
இந்த புதிய Mahindra BE 6 Sporteq கார் மொத்தம் 12 விதமான வண்ணங்களில் அறிமுகப்படுத்தப்பட்டுள்ளது. மேலும், இது வெறும் 6.4 வினாடிகளில் மணிக்கு 100 கிலோமீட்டர் வேகத்தை எட்டும் திறன் கொண்டது. இதில் Custom Drive Mode, Drift Mode, Tribe Drive, Revive & Revive SOS மற்றும் Acceleration Boost போன்ற சிறப்பு டிரைவ் மோட்களும் இடம்பெற்றுள்ளன.
மைலேஜ் என்று பார்த்தால், 79 கிலோவாட் பேட்டரி கொண்ட மாடல் ஒருமுறை சார்ஜ் செய்தால் 683 கிலோமீட்டர் வரை பயணிக்கக்கூடியது. 59 கிலோவாட் பேட்டரி கொண்ட மாடல் 556 கிலோமீட்டர் வரை மைலேஜ் அளிக்கிறது. மேலும், 'பேட்டரி அஸ் எ சர்வீஸ்' (Battery as a Service) வசதியும் இந்த காரில் வழங்கப்பட்டுள்ளது. இது மற்ற மின்சார கார்களை விட மேம்பட்ட உட்கட்டமைப்பு வசதிகளைக் கொண்டுள்ளது.
குறிப்பாக, இந்த காரின் முதல் மற்றும் மூன்றாவது வேரியண்ட்களில் 'பேட்டரி அஸ் எ சர்வீஸ்' வசதி அளிக்கப்பட்டுள்ளது. இந்த சேவையைப் பயன்படுத்தினால், ஒரு கிலோமீட்டருக்கு ரூபாய் 3.75 கட்டணமாக வசூலிக்கப்படும். இந்த புதிய அறிமுகம், மின்சார கார் சந்தையில் ஒரு முக்கிய மைல்கல்லாக அமையும் என எதிர்பார்க்கப்படுகிறது.
