இந்திய இளைஞர்களின் மனதைக் கவர்ந்த டூ-வீலர் பிராண்டான KTM, தனது புதிய அப்டேட் செய்யப்பட்ட 200 Duke பைக்கை அறிமுகப்படுத்தியுள்ளது. இந்த புதிய மாடல், வாடிக்கையாளர்கள் மத்தியில் பெரும் எதிர்பார்ப்பை ஏற்படுத்தியுள்ளது.
புதிதாக அறிமுகம் செய்யப்பட்டுள்ள இந்த KTM 200 Duke பைக்கில், 199.5 சிசி எஞ்சின் பொருத்தப்பட்டுள்ளது. இதன் எக்ஸ்-ஷோரூம் விலை ரூ. 2,07,140 என நிர்ணயிக்கப்பட்டுள்ளது. முந்தைய மாடலுடன் ஒப்பிடுகையில், இதன் விலை சுமார் ரூ. 1,552 வரை அதிகரித்துள்ளது.
இந்த புதிய பைக், ஸ்ட்ரீட் மற்றும் ரெயின் என இரண்டு விதமான ரைடிங் மோட்களைக் கொண்டுள்ளது. சூழலுக்கு ஏற்ப இந்த மோட்களை மாற்றிக்கொள்ளும் வசதி இதில் உள்ளது. மேலும், ட்ராக்ஷன் கண்ட்ரோல் வசதி, TFT இன்ஸ்ட்ரூமென்ட் டிஸ்ப்ளே போன்ற நவீன அம்சங்களும் இதில் இடம்பெற்றுள்ளன. 24.5 பிஎச்பி ஆற்றலை வழங்கும் இந்த பைக், நெடுஞ்சாலைகளில் சிறந்த செயல்திறனை வெளிப்படுத்தும்.
மேலும், 19.5 என்எம் டார்க் இழுவிசையுடன், 6 கியர் பாக்ஸ் இதில் பொருத்தப்பட்டுள்ளது. கியர் அமைப்பானது, ஒரு கியர் கீழேயும், மீதமுள்ள 5 கியர்கள் மேலேயும் செயல்படும் வகையில் வடிவமைக்கப்பட்டுள்ளது. சஸ்பென்ஷனைப் பொறுத்தவரை, முன்பக்கத்தில் அப்-சைட் டவுன் ஃபோர்க் மற்றும் பின்பக்கத்தில் மோனோஷாக் சஸ்பென்ஷன் ஆகியவை பயன்படுத்தப்பட்டுள்ளன.
இந்த புதிய KTM 200 Duke பைக்கில், ட்யூபுலர் ட்ரெல்லிஸ் ஃபிரேம் மற்றும் எடை குறைவான அலாய் வீல்கள் பொருத்தப்பட்டுள்ளன. லிக்விட் கார்ப் மற்றும் சாம்பல் ஆகிய வண்ணங்களில் இந்த பைக் கிடைக்கிறது. முந்தைய மாடலுடன் ஒப்பிடுகையில், ட்ராக்ஷன் கண்ட்ரோல், ரைட் மோட்கள், புதிய வண்ணங்கள் மற்றும் க்யூக் ஷிஃப்டர் ஆகியவை இந்த புதிய மாடலின் முக்கிய சிறப்பம்சங்களாகக் கருதப்படுகின்றன.
இந்த பைக்கின் எடை 159 கிலோ ஆகும். இது அதிகபட்சமாக மணிக்கு 140 கிலோமீட்டர் வேகம் வரை செல்லக்கூடியது. ஆன்டி-லாக் பிரேக்கிங் சிஸ்டம் (ABS) வசதியும் இதில் உள்ளது. ஒரு முறை பெட்ரோல் நிரப்பினால், சுமார் 469 கிலோமீட்டர் வரை மைலேஜ் தரும் என எதிர்பார்க்கப்படுகிறது.
சூப்பர்மோட்டோ ஏபிஎஸ் பிரேக்கிங் சிஸ்டம், முன்பக்க மற்றும் பின்பக்க டிஸ்க் பிரேக்குகள், ட்யூப்லெஸ் டயர்கள் ஆகியவை பாதுகாப்பு அம்சங்களாக உள்ளன. 815 மி.மீ இருக்கை உயரம் மற்றும் 155 மி.மீ கிரவுண்ட் கிளியரன்ஸ் கொண்டது. 13.4 லிட்டர் கொள்ளளவு கொண்ட பெட்ரோல் டேங்க் இதில் பொருத்தப்பட்டுள்ளது. மேலும், 30,000 கிலோமீட்டர் அல்லது 2 வருடங்களுக்கு வாரண்டியும் வழங்கப்படுகிறது.
5 இன்ச் TFT டிஸ்ப்ளே, ப்ளூடூத் இணைப்பு, ஜிபிஎஸ் நேவிகேஷன் போன்ற நவீன வசதிகள் இதில் உள்ளன. ஸ்பீடோமீட்டர், ஓடோமீட்டர், ஃபியூயல் கேஜ் ஆகியவை டிஜிட்டல் முறையில் காட்டப்படும். கியர் இண்டிகேட்டர், லோ பேட்டரி மற்றும் லோ ஆயில் இண்டிகேட்டர்கள் போன்றவையும் இதில் இடம்பெற்றுள்ளன. இந்த புதிய அம்சங்களுடன் வந்துள்ள KTM 200 Duke பைக், இளைஞர்களிடையே பெரும் வரவேற்பைப் பெறும் என எதிர்பார்க்கப்படுகிறது.
