கன்னி ராசி நேயர்களே! பராபவ வருட ஆனி மாத கிரக நிலைகளின்படி, மாதத் தொடக்கத்தில் ராசிநாதன் புதன் தொழில் ஸ்தானத்தில் சூரியனுடன் இணைந்து 'புத ஆதித்ய யோகத்தை' உருவாக்குகிறார். இதனால் பொருளாதார நிலை உயரும், புதிய முயற்சிகளில் வெற்றி கிட்டும், எதிர்கால பயம் விலகும். லாப குருவின் ஆதிக்கத்தால் லாபம் வந்து கொண்டே இருக்கும். புதிய பங்குதாரர்கள் இணைந்து பொருள் வளம் பெருக வழிவகுப்பர். ஆரோக்கியத் தொல்லைகள் அகன்று, உற்சாகத்துடன் செயல்படுவீர்கள். அஷ்டமத்து செவ்வாய் விலகிய பிறகு மன நிம்மதி அதிகரிக்கும். உத்தியோகத்தில் உள்ளவர்களுக்கு உயர் அதிகாரிகளின் ஆதரவு திருப்தி அளிக்கும்.
ஆனி மாதம் 5-ந் தேதி (19.6.2006) அன்று செவ்வாய் ரிஷப ராசிக்குச் செல்கிறார். உங்கள் ராசிக்கு 3, 8 ஆகிய இடங்களுக்கு அதிபதியான செவ்வாய் பாக்கிய ஸ்தானத்திற்கு வருவதால், பூமி மூலம் லாபம் கிடைக்கும். இல்லத்தில் நல்ல சம்பவங்கள் நடைபெறும். கடன் சுமையால் வங்கிய இடத்தை விற்றுவிட்டோமே என கவலைப்பட்டவர்களுக்கு புதிய இடம் வாங்கும் யோகம் உண்டு. பல நாட்களாக நடைபெற்ற பஞ்சாயத்து நல்ல முடிவிற்கு வரும். செவ்வாய் ரிஷபத்தில் சஞ்சரிக்கும்போது துணிவும், நன்னம்பிக்கையும் கூடும். நேர்மறை சிந்தனைகளை வளர்த்துக் கொண்டால், உங்கள் எண்ணங்கள் அனைத்தும் நிறைவேறும்.
கன்னி ராசிக்கு, ஆனி 21-ந் தேதி (5.7.2026) அன்று சுக்ரன் விரய ஸ்தானத்திற்கு வருவதால் வியயங்கள் கூடும். குடும்ப முன்னேற்றம் கருதி அத்தியாவசிய மற்றும் ஆடம்பரப் பொருட்களை வாங்குவதில் மகிழ்ச்சி காண்பீர்கள். பெற்றோரின் உடல்நலத்தில் கவனம் தேவை. வாகன யோகம் உண்டு. பயணங்கள் பலன் தருவதாக அமையும். மேலும், ஆனி 31-ந் தேதி (15.7.2026) அன்று மீன் ராசியில் சனி வக்ரம் பெறுகிறார். இதனால் எதிரிகளின் தொல்லை குறையும். லாப நோக்கத்தோடு பழகியவர்களை இனம் கண்டு கொள்வீர்கள். உத்தியோகத்தில் உயர் அதிகாரிகள் உங்கள் தேவைகளை பூர்த்தி செய்வர். கடன் சுமை பாதிக்கு மேல் குறையும்.
சனி வக்ரம் பெறுவது ஒரு வகையில் நன்மை தரும். சனி பகவானின் கடுமை குறைந்து நன்மைகள் அதிகரிக்கும். குறிப்பாக குடும்ப ஒற்றுமை பலப்படும். உடன்பிறந்தவர்களின் திருமண காரியம் கைகூடும். வீடு, இடம் வாங்கும் யோகம் உண்டு. வெளிநாடு சென்று படிக்க விரும்பிய பிள்ளைகளுக்காக எடுத்த முயற்சி நிறைவேறும். உத்தியோகத்தில் வரும் இடமாற்றம் இனிமை தரும். அரசியல் கனவில் இருப்பவர்களுக்கு திடீரென நல்ல பொறுப்புகள் வந்து சேரும். வியாபாரம் மற்றும் தொழில் செய்பவர்களுக்கு நிலையான வருமானம் கிடைக்கும். கலைஞர்களுக்கு எதிர்பார்த்த முன்னேற்றம் உண்டு. மாணவ மாணவிகளுக்கு போட்டி பந்தயங்களில் வெற்றி கிடைக்கும். பெண்களுக்கு ஆரோக்கியத்தில் கவனம் தேவை. அடிக்கடி பயணங்களும், அதனால் விரயங்களும் ஏற்படும்.
பணத்தேவையைப் பூர்த்தி செய்யும் நாட்கள்: ஜூன் 18, 19, 25, 26, 29, 30; ஜூலை 11, 12, 15, 16. மகிழ்ச்சி தரும் வண்ணம்: சிவப்பு.
