குஜராத்திற்கு எதிரான மேட்ச்சில் ராஜஸ்தான் படு தோல்வி.. தரவரிசையில் 2 ஆம் இடத்திற்கு டைட்டன்ஸ் முன்னேற்றம்
- Published by:
Last Updated:May 09, 2026 11:48 PM IST
ரஷித் கான் 4 ஓவர்களில் 33 ரன்கள் விட்டுக்கொடுத்து 4 முக்கிய விக்கெட்டுகளைக் கைப்பற்றி ராஜஸ்தான் அணியின் சரிவுக்கு முக்கிய காரணமாக இருந்தார்
ஐபிஎல் கிரிக்கெட் தொடரில் இன்று ஜெய்ப்பூர் சவாய் மான்சிங் மைதானத்தில் நடைபெற்ற ஐபிஎல் 2026-ன் 52-வது லீக் போட்டியில், குஜராத் டைட்டன்ஸ் (GT) அணி 77 ரன்கள் வித்தியாசத்தில் ராஜஸ்தான் ராயல்ஸ் (RR) அணியை வீழ்த்தி அபார வெற்றி பெற்றது.முதலில் பேட்டிங் செய்த குஜராத் அணி, நிர்ணயிக்கப்பட்ட 20 ஓவர்களில் 4 விக்கெட் இழப்பிற்கு 229 ரன்கள் என்ற இமாலய இலக்கை எட்டியது. குஜராத் அணியின் தொடக்க வீரர் சாய் சுதர்சன், கேப்டன் சுப்மன் கில் ஆகியோரின் சிறப்பான ஆட்டம் அந்த அணிக்கு வலுவான அடித்தளத்தை அமைத்துக் கொடுத்தது.குறிப்பாக சுப்மன் கில் அதிரடியாக விளையாடி 44 பந்துகளில் 84 ரன்கள் குவித்து அசத்தினார். சாய் சுதர்சன் 55 ரன்கள் எடுத்து ஆட்டமிழந்தார். இறுதி கட்டத்தில் வாஷிங்டன் சுந்தர் 20 பந்துகளில் 37 ரன்கள் எடுத்து அணியின் ஸ்கோரை உயர்த்தினார். இதனால் குஜராத் அணி 20 ஓவர்கள் முடிவில் 4 விக்கெட் இழப்புக்கு 229 ரன்கள் எடுத்ததுஇதையடுத்து 230 ரன்கள் என்ற கடினமான இலக்கை நோக்கி விளையாடிய ராஜஸ்தான் ராயல்ஸ் அணிக்கு தொடக்கமே அதிர்ச்சியாக அமைந்தது. 15 வயது இளம் வீரர் வைபவ் சூர்யவன்ஷி 16 பந்துகளில் 36 ரன்கள் எடுத்து அதிரடி காட்டினாலும், மற்ற வீரர்கள் அடுத்தடுத்து ஆட்டமிழந்தனர்.கேப்டன் யஷஸ்வி ஜெய்ஸ்வால் 2 ரன்களும், ஷிம்ரோன் ஹெட்மையர் 6 ரன்களும் எடுத்து ஆட்டமிழந்தனர். ரவீந்திர ஜடேஜா நிதானமாக விளையாடி 25 பந்துகளில் 38 ரன்கள் எடுத்தார். இருப்பினும், குஜராத் அணியின் சுழற்பந்து வீச்சாளர் ரஷித் கானின் துல்லியமான பந்துவீச்சை எதிர்கொள்ள முடியாமல் ராஜஸ்தான் வீரர்கள் திணறினர்.ரஷித் கான் 4 ஓவர்களில் 33 ரன்கள் விட்டுக்கொடுத்து 4 முக்கிய விக்கெட்டுகளைக் கைப்பற்றி ராஜஸ்தான் அணியின் சரிவுக்கு முக்கிய காரணமாக இருந்தார். அவருக்கு உறுதுணையாக ஜேசன் ஹோல்டர் 3 விக்கெட்டுகளையும், காகிசோ ரபாடா 2 விக்கெட்டுகளையும் வீழ்த்தினர்.இறுதியில் ராஜஸ்தான் ராயல்ஸ் அணி 16.3 ஓவர்களில் அனைத்து விக்கெட்டுகளையும் இழந்து 152 ரன்களுக்குச் சுருண்டது. இந்த வெற்றியின் மூலம் குஜராத் டைட்டன்ஸ் அணி தனது பலத்தை நிரூபித்துள்ளது, அதே நேரத்தில் ராஜஸ்தான் அணிக்கு இது ஒரு பெரும் பின்னடைவாக அமைந்துள்ளது.கூகுள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. சமீபத்திய விளையாட்டு செய்திகள், நேரலை ஸ்கோர் விவரங்கள், போட்டி முடிவுகள் மற்றும் பலவற்றை நியூஸ்18 தமிழில் பெறுங்கள்.Location :Tamil NaduFirst Published :May 09, 2026 11:48 PM IST///குஜராத்திற்கு எதிரான மேட்ச்சில் ராஜஸ்தான் படு தோல்வி.. தரவரிசையில் 2 ஆம் இடத்திற்கு டைட்டன்ஸ் முன்னேற்றம்
