மும்பை: இந்திய முன்னாள் சுழற்பந்து வீச்சாளர் ஹர்பஜன் சிங், சென்னை சூப்பர் கிங்ஸ் அணியின் இளம் வீரர் உர்வில் படேலின் அதிரடி ஆட்டத்தைப் பாராட்டினார். ஐபிஎல் 2026 போட்டியில் லக்னோ சூப்பர் ஜெயன்ட்ஸுக்கு எதிராக 23 பந்துகளில் 65 ரன்கள் குவித்து, சிஎஸ்கேவை முக்கிய வெற்றிக்கு இட்டுச்சென்று, பிளேஆஃப் வாய்ப்புகளை இது மேம்படுத்தியது.
204 ரன்கள் என்ற கடின இலக்கை துரத்திச் சென்ற முக்கியமான போட்டியில், உர்வில் வெறும் 23 பந்துகளில் 65 ரன்கள் குவித்து, இந்த சீசனின் உக்கிரமான இன்னிங்ஸை பதிவு செய்தார். இரண்டு பவுண்டரிகள் மற்றும் எட்டு பிரம்மாண்ட சிக்ஸர்களுடன் 282-க்கு மேல் ஸ்ட்ரைக் ரேட் எட்டிய அவர் ஆட்டம் போட்டியின் போக்கையே முழுமையாக மாற்றியது.
சவாலான பிட்ச்சில் தரமான பந்துவீச்சை எதிர்த்து, உர்வில் படேலின் தெளிவான சிந்தனை மற்றும் துணிச்சலான ஆட்டம் ஹர்பஜனை வியப்பாக்கியது. அவர் ஜியோஸ்டாரிடம், “முதல் ஆறு சிக்ஸர்களும் ‘கௌ கார்னர் (cow corner)’ பகுதியை இலக்காகக் கொண்டவை. அற்புதமாக இருந்தது உர்வில் படேல். பேட்டிங்கிற்கு எளிதாக இல்லாத பிட்ச்சிலும், பந்தை அடித்த விதம் பாராட்டத்தக்கது. எதிர்காலத்திற்கான பெரிய வீரர்,” எனத் தெரிவித்தார்.
இந்த இன்னிங்ஸ் மூலம், ஐபிஎல் வரலாற்றில் அதிவேகமாக அரைசதம் அடித்த யஷஸ்வி ஜெய்ஸ்வாலின் சாதனையை உர்வில் படேல் சமன் செய்தார், வெறும் 13 பந்துகளிலேயே இந்த மைல்கல்லை எட்டினார்.ஹர்பஜன் சிங்,சிவம் துபேயின் பங்களிப்பை பாராட்டினார். கடைசி ஓவரில் இரண்டு சிக்ஸர்கள் அடித்து, துபே இலக்கை எட்டினார். “கடைசி போட்டிகளில் வாய்ப்புகள் கிடைக்கவில்லை என்றாலும், இரண்டு பெரிய ஷாட்கள் தேவைப்பட்டபோது, அவர் அதைத் தவறவிடவில்லை,” என்று ஹர்பஜன் கூறினார்.
இந்த வெற்றி சென்னையின் பிளேஆஃப் வாய்ப்புகளை கணிசமாக அதிகரித்துள்ளது. ஐந்து முறை சாம்பியன் சிஎஸ்கே அணிக்கு இது மிக முக்கியப் போட்டி என ஹர்பஜன் வலியுறுத்தினார். “இது சென்னை சூப்பர் கிங்ஸ் அணிக்கு ஒரு கட்டாய வெற்றிப் போட்டி,” என அவர் குறிப்பிட்டார்.
லக்னோ சூப்பர் ஜெயன்ட்ஸ் ஏமாற்றமடைந்திருக்கும் என்றார் ஹர்பஜன். கைவிடப்பட்ட கேட்சுகள், மிடில் ஆர்டர் தடுமாற்றத்தால் போட்டியை இழந்ததை சுட்டிக்காட்டினார். “அவர்களின் சீசன் இப்படித்தான்; வெற்றிக்கு அருகில் வந்தாலும், முக்கிய தருணங்களை எதிரணி வென்றது. இந்த போட்டியில் உர்வில் மூலம் அது நடந்தது,” என்றார்.
