உணவு மற்றும் விருந்தோம்பல் துறையில் சிறந்து விளங்க ஆசையா? நேஷனல் கவுன்சில் ஃபார் ஹோட்டல் மேனேஜ்மென்ட் அண்ட் கேட்டரிங் டெக்னாலஜி (NCHMCT) நடத்தும் படிப்புகள் உங்களுக்கு ஒரு சிறந்த தேர்வாக அமையும். 1982 முதல் தன்னாட்சி பெற்ற அமைப்பாக இயங்கி வரும் இந்த நிறுவனம், மத்திய சுற்றுலா அமைச்சகத்தின் கீழ் செயல்பட்டு, ஹோட்டல் மேலாண்மை படிப்புகளுக்கான தரங்களை நிர்ணயித்து வருகிறது.
NCHMCT வழங்கும் முக்கிய படிப்புகளில், 2 வருட M.SC. IN HOSPITALITY ADMINISTRATION, 3 வருட B.SC. IN HOSPITALITY AND HOTEL ADMINISTRATION, மற்றும் 1.5 வருட டிப்ளமோ படிப்புகளான உணவு உற்பத்தி, உணவு மற்றும் பான சேவை, பேக்கரி & கான்ஃபெக்ஷனரி, ஃபிரன்ட் ஆபீஸ் ஆபரேஷன், ஹவுஸ்கீப்பிங் ஆபரேஷன் ஆகியவை அடங்கும். குறிப்பாக, B.Sc. Hospitality & Hotel Administration படிப்பு, ஜவஹர்லால் நேரு பல்கலைக்கழகத்தால் அங்கீகரிக்கப்பட்டுள்ளது. புதிய கல்விக் கொள்கையின்படி, நான்காம் ஆண்டில் 'ஹானர்ஸ் பட்டம்' பெறும் வாய்ப்பும் உள்ளது.
இந்த படிப்புகளில் சேர, NCHMCT நடத்தும் கூட்டு நுழைவுத்தேர்வில் (NCHMJEE) தேர்ச்சி பெற வேண்டும். பிளஸ்-2 தேர்வில் ஆங்கிலம் ஒரு பாடமாக படித்திருக்க வேண்டும். புதிய தேசிய கல்விக் கொள்கை-2020 அடிப்படையில் வயது வரம்பு இல்லை. இந்த தேர்வு 120 நிமிடங்கள் நடைபெறும், கணினி வழியில் (CBT) MCQ முறையில் நடத்தப்படும். இதில் எண் திறன், பகுத்தறிவு, பொது அறிவு, ஆங்கில மொழி, மற்றும் சேவைத்துறைக்கான திறனாய்வு என ஐந்து பிரிவுகளில் இருந்து கேள்விகள் கேட்கப்படும். சரியான பதிலுக்கு 4 மதிப்பெண்களும், தவறான பதிலுக்கு 1 மதிப்பெண்ணும் குறைக்கப்படும்.
நுழைவுத்தேர்வுக்கான விண்ணப்பக் கட்டணம் பொதுப் பிரிவினருக்கு ரூ.1000, EWS பிரிவினருக்கு ரூ.700, SC/ST/மாற்றுத்திறனாளிகள்/மூன்றாம் பாலினத்தவர்களுக்கு ரூ.450 என நிர்ணயிக்கப்பட்டுள்ளது. மத்திய அரசு நிறுவனங்களில் SC-க்கு 15%, ST-க்கு 7.5%, OBC-க்கு 27%, EWS-க்கு 10% இட ஒதுக்கீடு வழங்கப்பட்டுள்ளது. மேலும், ஒவ்வொரு பிரிவிலும் மாற்றுத்திறனாளிகளுக்கு 5% கூடுதல் இடங்கள் உண்டு. மதிப்பெண் அடிப்படையில் மாணவர் சேர்க்கை நடைபெறும். நாடு முழுவதும் 20-க்கும் மேற்பட்ட அரசு அங்கீகாரம் பெற்ற ஹோட்டல் மேலாண்மை நிறுவனங்களில் இந்தப் படிப்புகள் வழங்கப்படுகின்றன.
