இந்தியாவின் முன்னணி இரு சக்கர வாகன தயாரிப்பு நிறுவனமான ஹீரோ, தங்களது வெற்றிகரமான மாடல்களில் ஒன்றான Glamour X பைக்கை புதிய அம்சங்களுடன் அறிமுகப்படுத்தியுள்ளது. இந்த புதிய பைக், அதன் சிறப்பான மைலேஜ் மற்றும் கவர்ச்சிகரமான அம்சங்களுக்காக வாடிக்கையாளர்களின் கவனத்தை ஈர்த்து வருகிறது.
ஹீரோ Glamour X மூன்று வேரியண்ட்களில் கிடைக்கிறது. முதல் வேரியண்டான Glamour X 125 Drum மாடலின் விலை ரூ. 1 லட்சத்து 7 ஆயிரத்து 722 ஆகும். இரண்டாவது வேரியண்டான Glamour X 125 Disc மாடலின் விலை ரூ. 1 லட்சத்து 16 ஆயிரத்து 655 என நிர்ணயிக்கப்பட்டுள்ளது. மேலும், புதிதாக அறிமுகப்படுத்தப்பட்டுள்ள Glamour X 125 Integrated ABS வேரியண்டின் விலை ரூ. 1 லட்சத்து 21 ஆயிரத்து 155 ஆகும்.
முதல் வேரியண்டில் ட்ரம் பிரேக்குகள் மற்றும் அலாய் சக்கரங்கள் பொருத்தப்பட்டுள்ளன. இரண்டாவது மற்றும் மூன்றாவது வேரியண்டுகளில் டிஸ்க் பிரேக்குகள் இடம்பெற்றுள்ளன. இந்த பைக்கின் மொத்த எடை 125.5 கிலோகிராம் ஆகும். இதில் 124.7 சிசி எஞ்சின் மற்றும் 5 கியர்கள் உள்ளன. 10 லிட்டர் கொள்ளளவு கொண்ட பெட்ரோல் டேங்க் மற்றும் 790 மி.மீட்டர் இருக்கை உயரம் ஆகியவை இதன் முக்கிய அம்சங்களாகும்.
Glamour X பைக் நீலம், வெள்ளை, கருப்பு – வெள்ளை, கருப்பு – நீலம், மற்றும் சாம்பல் போன்ற பல்வேறு வண்ணங்களில் கிடைக்கிறது. இந்த பைக் அதிகபட்சமாக மணிக்கு 105 கிலோமீட்டர் வேகத்தில் செல்லக்கூடியது. மேலும், ஒரு லிட்டர் பெட்ரோலுக்கு 60 கிலோமீட்டர் வரை மைலேஜ் வழங்கும் என எதிர்பார்க்கப்படுகிறது. இதில் 1 கியர் கீழ்நோக்கியும், 4 கியர்கள் மேல்நோக்கியும் செயல்படும் வகையில் அமைக்கப்பட்டுள்ளது.
இந்த பைக் 11.4 பிஎச்பி குதிரைத்திறன் கொண்டது. மேலும், எகோ, ரோடு மற்றும் பவர் ரைடு என மூன்று விதமான ஓட்டும் முறைகளைக் கொண்டுள்ளது. பெட்ரோலில் இயங்கும் இந்த பைக்கில் ஐபிஎஸ் பிரேக்கிங் சிஸ்டம் வசதி உள்ளது. அலாய் சக்கரங்கள் பொருத்தப்பட்டுள்ளதுடன், முன்பக்க மற்றும் பின்பக்க சக்கரங்கள் 18 இன்ச் அளவில் வருகின்றன.
கூடுதல் சிறப்பம்சங்களாக, ட்யூப்லெஸ் டயர்கள், முன்பக்கத்தில் டெலிஸ்கோபிக் சஸ்பென்ஷன் மற்றும் பின்புறத்தில் ப்ரீலோட் அட்ஜஸ்டர் வசதியுடன் கூடிய ரியர் சஸ்பென்ஷன் ஆகியவை வழங்கப்பட்டுள்ளன. 170 மி.மீட்டர் கிரவுண்ட் கிளியரன்ஸ், 10 லிட்டர் பெட்ரோல் டேங்க் மற்றும் 1.6 லிட்டர் ரிசர்வ் எரிபொருள் கொள்ளளவு ஆகியவை இதன் சிறப்பம்சங்களாகும். மேலும், 70 ஆயிரம் கிலோமீட்டர் அல்லது 5 வருடங்கள் வரை வாரண்டி வழங்கப்படுகிறது.
இந்த பைக்கில் எல்சிடி டிஸ்ப்ளே, பிரைட்னஸ் கண்ட்ரோல் இன்ஸ்ட்ரூமென்ட் கன்சோல், ப்ளூடூத் இணைப்பு மற்றும் ஜிபிஎஸ் நேவிகேஷன் போன்ற நவீன வசதிகளும் உள்ளன. டிஜிட்டல் முறையில் ஸ்பீடோமீட்டர், ஓடோமீட்டர், ப்யூல் கேஜ், டிஸ்டன்ஸ் டூ எம்டி, 2 ட்ரிப்மீட்டர்கள், டெக்கோமீட்டர் ஆகியவை இடம்பெற்றுள்ளன.
மேலும், ஸ்டாண்ட் அலாரம், கியர் இண்டிகேட்டர், லோ பேட்டரி இண்டிகேட்டர், ஹை பீம் இண்டிகேட்டர் மற்றும் கால்/எஸ்எம்எஸ் அலர்ட் போன்ற வசதிகளும் இதில் அடங்கும். முகப்பு விளக்குகள் எல்இடி தொழில்நுட்பத்திலும், பிரேக் மற்றும் டெயில் விளக்குகள் ஹாலோஜன் தொழில்நுட்பத்திலும் வடிவமைக்கப்பட்டுள்ளன.
