இசையமைப்பாளரும் நடிகருமான ஜிவி பிரகாஷின் பிறந்தநாளை முன்னிட்டு, அவர் நடிக்கும் 'இம்மோர்டல்' திரைப்படத்தின் படக்குழுவினர் ஒரு சிறப்பு போஸ்டரை வெளியிட்டு வாழ்த்து தெரிவித்துள்ளனர்.
மாரியப்பன் சின்னா இயக்கத்தில் உருவாகி வரும் 'இம்மோர்டல்' திரைப்படத்தில் ஜிவி பிரகாஷ் கதாநாயகனாக நடிக்கிறார். அவருக்கு ஜோடியாக கயாடு லோஹர் நடித்துள்ளார். இந்த படத்தின் படப்பிடிப்பு தற்போது விறுவிறுப்பாக நடைபெற்று வருகிறது.
ஜிவி பிரகாஷின் பிறந்தநாளான இன்று, படக்குழுவினர் படத்தின் புதிய போஸ்டர் ஒன்றை வெளியிட்டுள்ளனர். இந்த போஸ்டரில் ஜிவி பிரகாஷ் மற்றும் கயாடு லோஹர் இடம்பெற்றுள்ளனர். இது ரசிகர்களிடையே பெரும் வரவேற்பை பெற்றுள்ளது.
'இம்மோர்டல்' திரைப்படம் விரைவில் திரையரங்குகளில் வெளியாகும் என எதிர்பார்க்கப்படுகிறது. ஜிவி பிரகாஷின் பிறந்தநாளுக்கு திரையுலகினர் பலரும் வாழ்த்துக்களை தெரிவித்து வருகின்றனர்.
