வார்சா: போலந்தின் வர்சா நகரில் கிராண்ட் செஸ் டூரின் சூப்பர் ரேப்பிடு மற்றும் பிளிட்ஸ் போட்டி நடைபெற்று வருகிறது. இதில் ரேப்பிடு பிரிவில் உலக சாம்பியனான இந்தியாவின் குகேஷ் 9 புள்ளிகளுடன் 4-வது இடம் பிடித்திருந்தார்.
இந்நிலையில் பிளிட்ஸ் போட்டிகள் நேற்று நடைபெற்றன. 18 சுற்றுகள் கொண்ட இந்த பிரிவில் 9 சுற்றுகள் முடிவடைந்த நிலையில் குகேஷ் மேற்கொண்டு 4 புள்ளிகளை பெற்றார். இதன் மூலம் அவர், 13 புள்ளிகளுடன் 5-வது இடத்தில் உள்ளார்.
9-வது சுற்றில் குகேஷ், போலந்தின் ஜான்-கிரிஸ்டோஃப் டூடாவை தோற்கடித்தார். அமெரிக்காவின் ஹான்ஸ் மோக் நீமன் 16.5 புள்ளிகளுடன் முதலிடத்தில் உள்ளார். அவர், பிளிட்ஸ் பிரிவில் 9 சுற்றுகளில் 3.5 புள்ளிகளை பெற்றார். மற்ற அமெரிக்க வீரர்களான வெஸ்லி சோ 16 புள்ளிகளுடன் 2-வது இடத்திலும் ஃபேபியானோ கருணா 15 புள்ளிகளுடன் 3-வது இடத்திலும் உள்ளனர்.
