சென்னையில் 22 காரட் ஆபரணத் தங்கத்தின் விலை இன்று (செப்டம்பர் 15) ஒரு பவுனுக்கு ரூ.680 குறைந்துள்ளது. இந்த விலை சரிவின் காரணமாக, ஒரு கிராம் தங்கம் ரூ.85 குறைந்து ரூ.14,040-க்கு விற்பனையாகிறது. ஒரு பவுன் தங்கத்தின் விலை ரூ.1,12,320 ஆக குறைந்துள்ளது.
24 காரட் தங்கத்தின் விலையும் குறைந்துள்ளது. ஒரு கிராம் 24 காரட் தங்கம் ரூ.15,316-க்கும், ஒரு பவுன் ரூ.1,22,528-க்கும் விற்பனையாகிறது.
தங்கத்தின் விலை சர்வதேச பொருளாதார மற்றும் அரசியல் சூழல், கச்சா எண்ணெய் விலை, அமெரிக்க டாலருக்கு நிகரான இந்திய ரூபாயின் மதிப்பு, தங்கத்தின் மீதான முதலீடு, உலக பங்குச் சந்தை செயல்பாடு போன்ற பல்வேறு காரணிகளைப் பொறுத்து நிர்ணயிக்கப்படுகிறது. உலக அளவில் தங்கத்தை இறக்குமதி செய்யும் நாடுகளில் இந்தியா முக்கிய பங்கு வகிக்கிறது.
அமெரிக்கா மற்றும் ஈரான் இடையேயான மோதலின் தாக்கம் உலக பொருளாதாரத்தில் எதிரொலித்து, சர்வதேச தங்கம் விற்பனையிலும் தாக்கத்தை ஏற்படுத்தியுள்ளது. இதன் காரணமாக தங்கத்தின் விலையில் ஏற்ற இறக்கங்கள் காணப்படுகின்றன.
கடந்த மே மாதம், மத்திய அரசு தங்கம் மீதான இறக்குமதி வரியை 6 சதவீதத்திலிருந்து 15 சதவீதமாக உயர்த்தியது. மேலும், செப்டம்பர் 1-ம் தேதி, 'தேவையின்றி தங்கம் வாங்காதீர்கள்' என பிரதமர் நரேந்திர மோடி நாட்டு மக்களுக்கு அறிவுறுத்தியிருந்தார். இந்த அறிவிப்புகளுக்குப் பிறகு, தங்கத்தின் விலை சந்தையில் ஏற்ற இறக்கத்துடன் காணப்படுகிறது.
சென்னையில் கடந்த சனிக்கிழமை அன்று தங்கத்தின் விலை பவுனுக்கு ரூ.120 உயர்ந்தது. வாரத்தின் முதல் நாளான நேற்று (செப்டம்பர் 14) 22 காரட் ஆபரணத் தங்கம் பவுனுக்கு ரூ.360 குறைந்து, ஒரு பவுன் ரூ.1,13,000-க்கு விற்பனையானது. இந்நிலையில், இன்று தொடர்ந்து இரண்டாவது நாளாக விலை மேலும் குறைந்துள்ளது.
தங்கத்தின் விலையில் ஏற்பட்ட இந்த சரிவு நுகர்வோர் மத்தியில் கவனத்தை ஈர்த்துள்ளது. வெள்ளி விலையில் எந்த மாற்றமும் இல்லை. ஒரு கிராம் வெள்ளி ரூ.250-க்கும், ஒரு கிலோ கட்டி வெள்ளி ரூ.2,50,000-க்கும் விற்பனையாகிறது.
