தங்கம் விலை இன்று சவரனுக்கு ரூ.240 குறைந்துள்ளது. சில நாட்களாக தங்கம் விலை கணிசமாக உயர்ந்து வந்த நிலையில், இன்று சற்று சரிவைக் கண்டுள்ளது. சர்வதேச சந்தையில் கச்சா எண்ணெய் விலை உயர்வால் டாலர் மதிப்பு உயர்ந்தது. இதனால் முதலீட்டாளர்கள் பங்குச்சந்தைகளில் கவனம் செலுத்தியதால் தங்கத்தின் மதிப்பு சற்று குறைந்திருந்தது.
இருப்பினும், ஈரான் – அமெரிக்கா இடையேயான போர் முடிவுக்கு வருவதாக அறிவிக்கப்பட்டதால் தங்கம் விலை மீண்டும் உயரத் தொடங்கியிருந்தது. இந்த நிலையில், கடந்த சில நாட்களாக ஏறிய தங்கம் விலை இன்று சற்று குறைந்துள்ளது.
இன்று (ஜூன் 17) ஒரு சவரன் தங்கம் ரூ.112,480-க்கும், ஒரு கிராம் ரூ.14,030-க்கும் விற்பனை செய்யப்படுகிறது. நேற்று ஒரு சவரன் ரூ.112,480-க்கும், ஒரு கிராம் ரூ.14,060-க்கும் விற்கப்பட்டது. அதன்படி, சவரனுக்கு ரூ.240-ம், கிராமுக்கு ரூ.30-ம் குறைந்துள்ளது.
இதேபோல், வெள்ளி விலையில் எந்த மாற்றமும் இல்லை. வெள்ளி ஒரு கிராம் ரூ.275-க்கும், ஒரு கிலோ ரூ.2,75,000-க்கும் விற்பனை செய்யப்படுகிறது.
