மின் வாரிய துறையில் மொத்தம் 65,921 காலிப் பணியிடங்கள் உள்ளதாக அமைச்சர் நிர்மல்குமார் தெரிவித்துள்ளார். மின் வாரியத்தின் வெள்ளை அறிக்கையில் பணியாளர் எண்ணிக்கை குறித்த விரிவான தகவல்கள் வெளியிடப்பட்டுள்ளன. இந்த அறிக்கையின்படி, மின் வாரியத்தில் மொத்தம் 1,40,635 பணியிடங்கள் உள்ளன. அதில் 74,714 பேர் பணியில் உள்ளனர். இதன் மூலம் 65,921 காலிப் பணியிடங்கள் இருப்பது தெரியவந்துள்ளது.
மேலும், தமிழ்நாடு மின் விநியோக நிறுவனமான TNPDCL-ல் மொத்தம் 1,10,960 பணியிடங்கள் உள்ளன. இதில் 57,385 பேர் பணியில் இருக்கும் நிலையில், 53,575 காலிப் பணியிடங்கள் நிரப்பப்பட உள்ளன. இதேபோல், தமிழ்நாடு மின் பரிமாற்ற நிறுவனமான TANTRANSCO-வில் 17,187 மொத்த பணியிடங்களில் 9,336 பேர் பணியில் உள்ளனர். இதனால் 7,851 காலிப் பணியிடங்கள் உள்ளன.
மின் உற்பத்தி நிறுவனமான TNPGCL-ல் 8,912 மொத்த பணியிடங்களில் 5,837 பேர் பணியில் உள்ளனர். இதன் காரணமாக 3,075 காலிப் பணியிடங்கள் நிரப்பப்பட உள்ளன. மேலும், மற்றொரு பிரிவில் 3,576 மொத்த பணியிடங்களில் 2,156 பேர் பணியில் இருக்கும் நிலையில், 1,420 காலிப் பணியிடங்கள் உள்ளன.
மொத்தமாக மின் வாரிய துறையில் உள்ள இந்த காலிப் பணியிடங்கள் விரைவில் நிரப்பப்படும் என எதிர்பார்க்கப்படுகிறது. இது வேலைவாய்ப்பை எதிர்நோக்கி காத்திருக்கும் இளைஞர்களுக்கு ஒரு நற்செய்தியாக அமைந்துள்ளது.
